2 Kolinto 11:10 - Chipangano Chabwangu

¹⁰ Ukulingana nechine ichaku Klistu ichili muli ne, nkoebesha ati tapapo umuntu uwakunkanya ukuyitutumwina pali mfi mu Akeya monse.

2 Kolinto 11:10 ပူးပေါင်းရင်းမြစ်များ

Imilimo ya batumwa 18:12

Ulo Galiyo abikilwe pali bukateka bwachalo cha Akaya, Abayuda balilongene nokumfwana. Elo bayikete Paulo, nokumutwala kuchilye.

Imilimo ya batumwa 18:27

Ulo Apolosi alikufwaya ukuya kuchalo cha Akeya, abachetekela bamu Efeso balembele kalata kubena Klistu baku Akeya ukuti bamupokelele bwino. Ulo afikile nkulya, alyafwilisheko abachetekela ukupitila mubwanshi bwaku Lesa.

Loma 1:9

Lesa uwo nebo mpyungila mukubilisha Ubutumi bwakwe Bwawama nomutima wanji onse, ekamboni wanji ukuti nebo ndamwibukisha.

Loma 16:5

Nkoposha umutende nakambi kubantu bonse abalonganina munanda yabo. Nkoposha umutende Epinotasi mutemwekwa wanji. Ngu ewatatikilepo ukuchetekela Klistu mu Asiya.

Loma 9:1

Nkososa ifyakwebesha muli Klistu, tanshikobepapo iyowo. Nomutima wanji ukotangililwa no Mupashi Wabuta ukonsuminisha nebo ati nshisosapo bufi

1 Kolinto 16:15

Mwe bawesu, mwalishiba ati Sitefanasi nabamunanda yakwe ebakwamba ukuchetekela muchalo cha Akaya. Elo balipele mukubombela abantu baku Lesa.

2 Kolinto 1:1

Nine Paulo umutumwa waku Yesu Klistu ukulingana nokufwaya kwaku Lesa. Ndi nawesu Timoti. Tukolembela ichilonganino chaku Lesa ichili ku Kolinto nabantu bonse abaku Lesa abali muchalo cha Akaya.

2 Kolinto 1:23

Lesa ekamboni wanji pakuti icho nshafikilepo ku Kolinto chali ichakuti nimwansha nsoni.

2 Kolinto 10:15

Tatwitondayishapo ukuchila amalile mumilimo yabantu bambi abali kupyunga pakati kenu. Ichikulu tukolindila ukuti ichichetekelo chenu chakukula, nokuti umulimo wesu pakati kenu wakukula, nomba tekuchilapo amalile esu.

2 Kolinto 11:12

Ifyo nkochita nomba nakutwalilila, ukwebati ababufi bekwatilapo apakuyitakishishapo, elo basose ati nabo bakopyunga umulimo ukulingana nafwe.

2 Kolinto 11:31

Lesa, Wishi waku Bashikulu wesu Yesu, uwo tulingile ukutondayisha inshita shonse, alishibile ukwebati nshikobepapo.

2 Kolinto 12:19

Nalimo mukolanguluka ukuti tukofwaya ukuyiwamisha pemenso enu? Tefyopo, pamenso aku Lesa, tusosa muli Klistu. Elo pali fyonse, mwe batemwekwa banji, tukofwaya ukumukoseleshako.

2 Kolinto 9:2

Ndishibile ukwebati mukofwayilisha ukwafwilisha. Echo ndayitutumuna kubena Masedoniya pamulandu wenu. Ndabeba ati, “Bawesu baku Akeya baliyipekenye kale umwaka washila ukuti bafwilishe.” Elo ukufwaya kwenu kwakoselesha abenji.

Galatiya 1:20

Nkolapa pamenso aku Lesa ukuti ifyo nkomulembela fyachine, nshikobepapo iyowo.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

1 Tesalonika 2:10

Mwebo muli bakamboni pamo na Lesa ukuti ubumi bwesu ulo twali namwe bwali ubwapwililika, ubwaololoka, elo ubutakwetepo akalema nakambi bwalikusekesha Lesa.

1 Tesalonika 2:5

Ukubati nimfiya mwayishiba, tatwayishile kuli mwe namashiwi akumunasha nangu ayakwichingilila kubunkalwe bwesu iyowo. Lesa ekamboni wesu.

1 Timoti 2:7

Echo antumine ukuba kabilisha nomutumwa. Nkosambisha abenafyalo ifyachichetekelo nechine. Nachine nkososa ifinenene, tanshikobepapo iyowo.