2 Kolinto 11:1 - Chipangano Chabwangu

¹ Napapata munjeleleko pakupunama kwanji nku. Munjeleleko.

2 Kolinto 11:1 ပူးပေါင်းရင်းမြစ်များ

Mateyo 17:17

Yesu alibasukile ati, “Mama wesu ee, mwe nkulo iibipile neyitachetekelapo! Kanshi nakwikala nenu ukufika lwisa? Nkoshipikisha nenu ukufika lwisa? Temulandupo, letenipo umulumbwana kuli ne!”

Imilimo ya batumwa 18:14

Ulo Paulo afwayile ukutatika ukusosa, Galiyo aebele Abayuda ati, “Umfweni mwe Bayuda, nga chakuti umuntu ngu atoba ifunde nangu ukubifisha umunakwe, nga naumfwa ukwilishanya kwenu.

Imilimo ya batumwa 26:29

Elo Paulo amwasukile ati, “Nangu ibe inshita iinini nangu iitali, ukulomba kwanji kwakuli Lesa ukuti mwebo, pamo nabonse abakonkutika pakasuba kalelo, babe kubati nimfino ndi ukufumyako bwaka ukukakwa iminyololo nji isho ndi nasho!”

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Kolinto 3:18

Mulokuyibepapo. Nga umuntu umbi pali mwe akoyilanguluka ukuba uwamulangwe, ukusosa pafintu ifyapanonshi, alingile ukuboneka nga uupuneme ukwebati aaluke uwamulangwe.

1 Kolinto 4:10

Pamulandu waku Klistu, fwebo bakotulanguluka ukuba abapuneme, elo mwe abamulangwe muli Klistu. Mwaliba abanaka, kuntu mwebo muli abafiso! Muli abachindama, nomba ifwe tuli abasulwa.

1 Kolinto 4:8

Napo mulikwete kale fyonse ifyo mukabila! Echo muli bachindami ukuchila fwebo. Nga chiliweme amuba bakankomba ukwebati nafwe tutungulule pamo namwe.

2 Kolinto 11:19

Mwebo mukoti muli abamano, echo abantu bapunama mukobalekelela bwaka mukutemwa.

2 Kolinto 11:21

Ndinensoni pakusumina ati twali abanakile pakuchita mfilya! Nomba nkososa kubati uupuneme, ifili fyonse bambi bangayitutumwinapo, nandibo nakuyitutumwinapo.

2 Kolinto 11:4

Nga umbi ayisa kubilisha Yesu umbi uwapusana nangulya twabilishe, mwebo mulakonka. Elo mulapokelela umupashi nobutumi bumbi ubwapusana no Mupashi Wabuta no Butumi Bwawama ubo mwapokelele kuli fwe!

2 Kolinto 12:11

Naba uupuneme, kuntu nimwebo mwalenga mfi. Nimwe mwalingile ukumpela bukamboni. Pakuba nangu nshilipo kantu, kuntu “abatumwa” benu abo abayibela tabanchililepo nangu panini.

2 Kolinto 5:13

Nga chakuti twalikuboneka kubati tulipenene, twalichitile mfi ukuti tuchinshike Lesa. Nomba nga tukochita ifyamano, nipamulandu waku mwebo.

Hebele 5:2

Pakuti umwine ali uwanaka engakwatilako inkumbu bo abateshibilepo akantu, abaluba.