2 Kolinto 10:7 - Chipangano Chabwangu

⁷ Mwebo mukobona ifintu panse bwaka. Napo pali umo ukolanguluka ukuti waku Klistu? Chiweme, nomba eshibe ati nga ali uwaku Klistu, nafwe tuli abaku Klistu.

2 Kolinto 10:7 ပူးပေါင်းရင်းမြစ်များ

Mateyo 23:5

Balabomba imilimo yabo yonse ukuti babonwe kubantu. Balayibwenesha ulo bakusha apalembwa Amalembo aku Lesa awo bafwala pampumi napamaboko yabo. Elo balakusha insenkebele kuminjila yabo.

Luka 16:15

Elo Yesu asosele kuli bo ati, “Mwebo mukoyilinga abaweme kubantu bambi, kuntu Lesa alishiba imitima yenu. Ifyo umuntu alinga ukuba ifyachine, pachinso chaku Lesa fyabwaka.

Yohane 7:24

Lekeni ukupingula abantu mumibwenekele yabo, kuntu mulokupingula mumibelo iyakwebesha.”

1 Kolinto 1:12

Ifyo nkososa nimfi ifyakuti umbi akososa ati, “Nebo ndiwakwa Paulo,” umbi naye ati, “Ndiwakwa Apolosi,” umbi naye ati, “Nebo ndiwakwa Kefasi,” elo umbi naye ati, “Nebo ndiwaku Klistu.”

1 Kolinto 14:37

Nga chakwebati ukoyitunga ukuba umusambishi wamashiwi aku Lesa, nangula ukuti ulikwete ubupe ubo Mupashi Wabuta upela, asuminishe ukubati ifyo nkomulembela lifunde lyafuma kuli Bashikulu.

1 Kolinto 15:23

Ukubako umuntu onse akubuka panshita yakwe: Uwakwambilapo ni Klistu, elo panshita yakwisa kwakwe abantu bakwe nabo bakwisa kubuka kubafwa.

1 Kolinto 3:23

elo mwebo muli baku Klistu, Klistu naye waku Lesa.

1 Kolinto 9:1

Napo nshilipo muntungwa? Napo tanshilipo umutumwa? Napo nshamubwenepo na Yesu Shikulu wesu? Te mwepo ifitwalo pamulimo napyungila Bashikulu?

2 Kolinto 10:1

Nebo ne Paulo, uwo baeba ati alifuuka ulo ali nafwebo, nomba alishika ulo ali ukutali, nkomupapata mwishina lyaku Klistu uwafuuka nakambi uwabwanshi,

2 Kolinto 11:18

Pakuti abenji bakoyitutumwina pafyapanonshi, nande nakuchita fyenka mfi.

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

2 Kolinto 11:4

Nga umbi ayisa kubilisha Yesu umbi uwapusana nangulya twabilishe, mwebo mulakonka. Elo mulapokelela umupashi nobutumi bumbi ubwapusana no Mupashi Wabuta no Butumi Bwawama ubo mwapokelele kuli fwe!

2 Kolinto 12:11

Naba uupuneme, kuntu nimwebo mwalenga mfi. Nimwe mwalingile ukumpela bukamboni. Pakuba nangu nshilipo kantu, kuntu “abatumwa” benu abo abayibela tabanchililepo nangu panini.

2 Kolinto 13:3

Elo mwakubona ifishibisho ifyo mukofwaya ichakuti Klistu eusosa ukupitila muli ne. Ye tabapo uunakile pafyo akuchita pali mwe, kuntu akobwenesha ifiso fyakwe pakati kenu.

2 Kolinto 5:12

Tatukoyitondayisha fwebene kuli mwe nakambi iyowo. Tukofwaya ukwebati mwebo muleyitutumwina muli fwe. Tukofwaya ukwebati mukwate ichakwasuka bo abakoyitutumwina pafiboneka namenso bwaka, ukuchila ifyamumutima.

Galatiya 3:29

Nga muli abaku Yesu, ekwebati muli bana abakwa Abulahamu abalinga ukupokelela ifyo Lesa alayile.

1 Yohane 4:6

Lelo fwebo tuli baku Lesa. Onse uwayishiba Lesa alatumfwila. Abashishibe Lesa, tabatumfwilapo iyowo. Munshila nji emo Mupashi wachine nowabufi tuwishibilamo.