2 Kolinto 10:4 - Chipangano Chabwangu

⁴ Ifyanso tulwilako tafili kubati fyabuntunse, kuntu fiso ififuma kuli Lesa ifingonaula amalinga. Tulachimfya ifitala fyabufi.

2 Kolinto 10:4 ပူးပေါင်းရင်းမြစ်များ

Imilimo ya batumwa 7:22

Echo Mosesi asambilile umulangwe wabena Ijipiti onse. Elo imilimo namashiwi akwe fyali ifikulu.

Loma 13:12

Nomba ubushiku buli mupepi ukushila nakasuba kakusanika. Nomba katuleke imilimo yamumfishi, elo tupinte ifyankondo ifyamukasuba.

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

1 Kolinto 2:5

Nalichitile mfilya ukwebati mwichetekelapo pamulandu wamulangwe wabantu, kuntu kufiso fyaku Lesa.

1 Kolinto 9:7

Napo eko aba umushilikali uuyilipila enka mumulimo wakwe? Mba ninani uungabyala ifitwalo ukwambula ukufilyako? Napo kuli chembela wamukuni uutanwako umukaka kumukuni wakwe?

2 Kolinto 10:8

Nangu nachilapo panini ukuyitutumuna pamulandu wansambu isho Bashikulu batupele ishakuti tumukoseleshe, tekumonaulapo, tatwaumfwepo insoni.

2 Kolinto 13:10

Nkolemba mfi ulo nshilafika kuli mwe ukwebati nga nafika, nikasangilapo apakubomfya insambu shandi ishabutungulushi mubukali. Bashikulu balimpele ubutungulushi mbu ukuti mwimake, tekumubongololapo iyowo.

2 Kolinto 3:5

Pakuba muli fwebo fwenka tekuti tuchitepo umulimo uwa mfi. Ifiso fyesu fifuma kuli Lesa.

2 Kolinto 4:7

Nomba fwebo tuli nongo bwaka ishakusungilamo mbu buboni ukwebati peshibikwe ukuti ifiso ifikulu mfi fyaku Lesa, tefyabantupo iyowo.

2 Kolinto 6:7

Mukusosa amashiwi aakwebesha, elo mufiso fyaku Lesa. Mukulwa kwesu tulachita ifilungeme.

1 Tesalonika 5:8

Apo tuli bamukasuba, tufwile ukuyipekanya. Tufwale ichichetekelo nechitemweko nge chichingililo pachifuba. Nechisoti chesu chibe ukulolela kwesu ukuti tukapuluke.

1 Timoti 1:18

We mwana wanji Timoti nkokukonkobesha ukusunga amashiwi nga ukulingana namashiwi abasoseshi awo basosele akale ifyaku webo. Amashiwi nga abe akukwafwako mukulwa inkondo iiweme.

2 Timoti 2:3

Umfwe ukufinya nabo nga mushilikali uuweme uwaku Klistu Yesu.

Hebele 11:30

Muchichetekelo ifibumba fyamushi wa Yeliko fyaliwile ulo abena Isilaeli baushingulukile inshiku shisano na shibili.