2 Kolinto 10:18 - Chipangano Chabwangu

¹⁸ Pakuba umuntu uupokololwa, tengulyapo uyichitila bukamboni iyowo, kuntu uwo Bashikulu bapela bukamboni.

2 Kolinto 10:18 ပူးပေါင်းရင်းမြစ်များ

Luka 16:15

Elo Yesu asosele kuli bo ati, “Mwebo mukoyilinga abaweme kubantu bambi, kuntu Lesa alishiba imitima yenu. Ifyo umuntu alinga ukuba ifyachine, pachinso chaku Lesa fyabwaka.

Yohane 12:43

Batemenwe ukuchinshikwa nabantu ukuchila ukuchinshikwa na Lesa.

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

Loma 16:10

Nkoposha umutende kuli Apelesi, umwina Klistu uwakosa. Mubaposhe umutende abamunanda yakwa Alisitobulasi.

Loma 2:29

Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

1 Kolinto 11:19

Nachine kulingile ukuba ukupatukana pakuti abalungama beshibikwe.)

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Kolinto 10:12

Tekwebati tukolinganya nangu ukuyipima nabambi abakoyipela benka bukamboni. Bayipunamika bwaka benka pakuyilinga pachipimo chabo nokuyilinga kubanabo aba muli bo.

2 Kolinto 13:7

Tukolomba Lesa ukuti mwichitapo ichibi nangu chimo. Tekwebati fwebo tuboneke nga abachimfya, kuntu ukuti mwebo muchite ifilingile, nangu fwebo nga abakangiwa.

2 Kolinto 3:1

Ekwebati pali mfi tukoyichitila bukamboni fwenka? Napo kukofwayikwa ukuti fwebo, nga abantu bambi, tube namakalata ayakupela bukamboni kuli mwe nangu aafumina kuli mwebo?

2 Kolinto 5:12

Tatukoyitondayisha fwebene kuli mwe nakambi iyowo. Tukofwaya ukwebati mwebo muleyitutumwina muli fwe. Tukofwaya ukwebati mukwate ichakwasuka bo abakoyitutumwina pafiboneka namenso bwaka, ukuchila ifyamumutima.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

2 Timoti 2:15

Esha ukuba uwayipelesha kuli Lesa nga umupyungi uwambula akalema, uulondolola amashiwi anenene aku Lesa mukwebesha.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.