2 Kolinto 10:14 - Chipangano Chabwangu

¹⁴ Echo tatwapitilishe pamalile esu ulo twafikile kuli mwe. Nachine nifwebo twatatikile ukwisa kuli mwe nokumuletela Ubutumi Bwawama ubusosa ifyaku klistu.

2 Kolinto 10:14 ပူးပေါင်းရင်းမြစ်များ

Maliko 1:1

Nku ekwamba kwa Butumi Bwawama ubwaku Yesu Klistu Umwana waku Lesa.

Imilimo ya batumwa 20:24

Nomba shilanguluka ukuti ubumi bwanji buli nakantu iyowo, kuntu ichikulu chakuti nshilishe umulimo wanji, nobutumwa ubo napelwa kuli Bashikulu Yesu, ubwakubilisha Ubutumi Bwawama ubwabwanshi bwaku Lesa.

Loma 1:16

Nebo nshakwatapo nsoni pa Butumi Bwawama, pakuba efiso fyaku Lesa mukupulusha abantu bonse abachetekela, ukutatikila ku Bayuda elo nakubenafyalo.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

Loma 2:16

Echo nomba, ukulingana no Butumi Bwawama ubo mbilisha, mfi efyo chakwisa kuba muli nkalya kasuba ulo Lesa, ukupitila muli Yesu Klistu, akwisa kupingula ifyamubumfishi fyonse ifyaba mumitima yabo.

1 Kolinto 2:10

Fwebo Lesa alitufisulwila mfi ukupitila mu Mupashi Wabuta. Pakuti Mupashi ngu ewayishiba ifintu fyonse ukufikapo nefyashika ifyaku Lesa.

1 Kolinto 3:10

Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

1 Kolinto 4:15

Nangu mungakwata abakusambisha amakana ikumi mubwina Klistu bwenu, tekuti mukwatepo bawishinwe abenji iyowo. Pakuba muli Klistu, nabele wishinwe pamulandu wakumushimikila Ubutumi Bwawama.

2 Kolinto 2:12

Ulo nafikile ku Tuloasi ukuti nkashimike Ubutumi Bwawama ubusosa ifyaku Klistu, nalisangile Bashikulu baliswile kale inshila ukuti mpyunge umulimo nkulya.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

1 Timoti 1:11

Ichisambililo nchi chikosangwa mu Butumi Bwawama ubo Lesa uwamuchinshi nakambi uwashuka ampele.