2 Kolinto 1:8 - Chipangano Chabwangu

⁸ Nomba bawesu nkofwaya ukwebati mwebe amachushi awo twakumene nawo mu Asiya. Balituchushishe ukuchisha pafiso fyesu ichakuti tatwali kulangulukapo ukwebati twakuba abomi.

2 Kolinto 1:8 ပူးပေါင်းရင်းမြစ်များ

Imilimo ya batumwa 16:6

Elo bapitile muchalo cha Fuligiya namu Galatiya pantu Umupashi Wabuta tawabasuminishepo ukubilisha Ubutumi Bwawama muchalo cha Asiya.

Imilimo ya batumwa 19:41

Ulo apwile ukusosa mfi, aebele abantu ukuti bapalangane.

Imilimo ya batumwa 2:9

Fwe bafuma kuchalo cha Palitiya, Mediya naku Elamu. Fwe baku Mesopotamiya, Pontusi naku Asiya.

Loma 1:13

Echo bawesu, nkofwaya mwishibe ukuti inshita ishinji nalikufwaya ukwisa ukumutandalila, kuntu ifintu fimbi filankanya ukuchita nchi. Nkofwaya ukwalula bamo abamuli mwebo kubati nimfilya nachitile kubenafyalo bambi.

1 Kolinto 15:32

Nga ulo nalwishishe ifiswango mu Efeso, findo nasangilemo nga nalikukonka amalangulushi abantu bwaka? Nomba nga abafwa tabakabukepo tulokuchita kubati ifyo basosa ati, “Natulye nokunwa, pakuti mailo twakufwa.”

1 Kolinto 16:9

Pakuba nkuno uko ndi kuli ishuko ilikulu ilyakupyungilako ifikulu, nangu abalwani benji.

1 Kolinto 4:8

Napo mulikwete kale fyonse ifyo mukabila! Echo muli bachindami ukuchila fwebo. Nga chiliweme amuba bakankomba ukwebati nafwe tutungulule pamo namwe.

2 Kolinto 1:9

Nachine mumitima yesu twalikulanguluka ukwebati epela twapingulwa kukufwa. Mfi fyalichitikile ukuti twilayichetekela, sembi Lesa uubukisha abafwa kumfwa.

2 Kolinto 6:9

Balatulinga abatayishibikwa, nangu tuli abayishibikwa. Balatulinga abafwa nangu tuli ababumi. Balatulinga abapumwa, nangu batatwipeye.