2 Kolinto 1:18 - Chipangano Chabwangu

¹⁸ Napali Lesa wachine nkolapa ukuti amashiwi nga tukomweba taalipo “Ina” nangu “Iyowo.”

2 Kolinto 1:18 ပူးပေါင်းရင်းမြစ်များ

Yohane 7:28

Ulo Yesu alikusambisha munanda yaku Lesa mu Yelusalemu, alibilikishe ati, “Nachine mwalinjishiba nokwishiba uko nafuma? Nomba tanshayisa mukufwayapo kwanji. Nomba uyo uwantumine wakwebesha. Mwebo tamwamwishibapo iyowo.

Yohane 8:26

Ndikwete ifyakusosa ifinji, nefyakumupingula. Uyo uwantuma wakwebesha. Elo amashiwi onse awo naumfwile kuli Ye ewo nkososa kuchalo.”

1 Kolinto 1:9

Lesa wachishinka. Elo Ye ewamwitile ukwebati muwikishanye pamo no Mwana wakwe Yesu Klistu, Bashikulu wesu.

2 Kolinto 1:23

Lesa ekamboni wanji pakuti icho nshafikilepo ku Kolinto chali ichakuti nimwansha nsoni.

2 Kolinto 11:31

Lesa, Wishi waku Bashikulu wesu Yesu, uwo tulingile ukutondayisha inshita shonse, alishibile ukwebati nshikobepapo.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 6:8

Abantu balatuchinshika nokutusuula penka. Balasosa ifibipile pali fwebo nefiweme kumo. Balatulangulukila ukuba ababufi, nangu tuli abakwebesha.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

Ukufisulula 3:14

“Uutangilila ichilonganino chaku Lawodisiya umulembele: “Nga mashiwi aafuma kuli Ameni, kamboni uwabuchetekelo nechine. Entulo iyafibumbwa fyonse ifyaku Lesa.

Ukufisulula 3:7

“Uutangilila ichilonganino chaku Filadelufiya umulembele: “Nga mashiwi aafuma kuli uyo Uwabuta nowachine. Alikwete ulufungulo lwakwa Davide. Engulya uwakuti nga ayisula, tapapo uwakwisala, nakambi nga ayisala, tapapo uwakwisula.