2 Kolinto 1:12 - Chipangano Chabwangu

¹² Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 1:12 ပူးပေါင်းရင်းမြစ်များ

Imilimo ya batumwa 23:1

Paulo aloleseshe bashichilye nokusosa ati, “Mwe bawesu, Abaisilaeli bananji. Nshikotwishikapo mumutima wanji pabumi nali nabo kuli Lesa ukufikila nanomba.”

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

Loma 9:1

Nkososa ifyakwebesha muli Klistu, tanshikobepapo iyowo. Nomutima wanji ukotangililwa no Mupashi Wabuta ukonsuminisha nebo ati nshisosapo bufi

1 Kolinto 1:17

Klistu tantuminepo mukubatisha iyowo, kuntu mukubilisha Ubutumi Bwawama. Echo ningile ukushimikila ukutalingana nomulangwe wabuntunse, ukutina ukuti ifiso fyamfwa yaku Klistu pamutanshi fiboneka ukubati fyabwaka.

1 Kolinto 12:8

Umupashi Wabuta ngu upela umuntu umbi amano ayakusosa ifyamulangwe, umbi naye Umupashi umo wenka upela ubupe ubwakusosa namano.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

1 Kolinto 2:13

Kanshi ifyo tusosa, temashiwipo amulangwe wabantu, kuntu mashiwi awo Mupashi Wabuta atusambisha. Tusambisha ifyachine ifyamupashi kubantu abakwata Umupashi Wabuta.

1 Kolinto 4:4

Ukuba mumutima wanji tamupo umulandu nangu umo. Nomba nangu chibe mfi, tanshikososapo ati ndiwakayele. Bashikulu benka ebampingula epala.

1 Kolinto 5:8

Echo katusekelele ukusefya nku ukwambula ichimena ichakale nchilya ichabubi nokubipa ukwamutima, kuntu nemifuba iitatutumuka, mukuwama umutima nokwebesha

2 Kolinto 1:17

Napo ulo nateyenye amapange nga, mwalikulanguluka ukwebati nalikuchita ifyabwaka? Napo nkoteyanya kubati wakusabaila uungasosa ati, “Ina, ina” elo “Iyowo, iyowo” panshita imo?

2 Kolinto 11:3

Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

2 Kolinto 8:8

Tefundepo nkososa ulo nkomweba mfi. Ulo nkomweba ifyakuchinchila kwabantu bambi, nkofwaya bwaka ukwishiba nga ukutemwa kwenu kwachine.

Galatiya 6:4

Umuntu onse ayeshe imikalile yakwe. Panuma elo ayikushe umwine, ukwambula ukupalanya kuli umbi iyowo.

Efeso 6:14

Echo mwimakane ndi, mufwale ichine kubati mushipi mumusana wenu. Fwaleni ubulungami kubati ilaya lyachela pachifuba chenu.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

1 Tesalonika 2:10

Mwebo muli bakamboni pamo na Lesa ukuti ubumi bwesu ulo twali namwe bwali ubwapwililika, ubwaololoka, elo ubutakwetepo akalema nakambi bwalikusekesha Lesa.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

Taitasi 2:7

Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

Hebele 13:18

Mulokutulombelako nafwe. Pakuba tuli namalangulushi ayaweme ayakufwaya ukuchita ifyalungama.

Yemusi 4:6

Nomba alatukwatila ubwanshi ukwinekantu. Echo Amalembo asosa ati, “Lesa alatalika abayikusha, kuntu alakwatila ubwanshi abafuuka.”

1 Petulo 3:16

Ikaleni nomutima uwabula akantu ukwebati abo abakomusuula pamulandu wamibele yenu iiweme muli Klistu mubanshe nsoni.

1 Petulo 3:21

Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.