2 Kolinto 1:1 - Chipangano Chabwangu

¹ Nine Paulo umutumwa waku Yesu Klistu ukulingana nokufwaya kwaku Lesa. Ndi nawesu Timoti. Tukolembela ichilonganino chaku Lesa ichili ku Kolinto nabantu bonse abaku Lesa abali muchalo cha Akaya.

2 Kolinto 1:1 ပူးပေါင်းရင်းမြစ်များ

Imilimo ya batumwa 16:1

Nomba Paulo ayile kumushi wa Debe na Lisitula. Uko kwalikwikala uwachetekela umo uwalikwitwa Timoti. Banyina bali Bayuda abachetekela muli Klistu, kuntu bawishi Timoti bali Bagiliki.

Loma 15:26

Pakuti abamufilonganino ifyaku Masedoniya na Akaya chalibawamine ukupela ifyabupe ukuti bafwilishe abachushi pakati kabantu baku Lesa abaku Yelusalemu.

Loma 16:21

Akomuposha umutende Timoti umupyungi munanji, pamo na Lusiyasi, Yasoni na Sosipata Umuyuda munanji.

Loma 16:5

Nkoposha umutende nakambi kubantu bonse abalonganina munanda yabo. Nkoposha umutende Epinotasi mutemwekwa wanji. Ngu ewatatikilepo ukuchetekela Klistu mu Asiya.

1 Kolinto 10:32

Ubumi bwenu bwilenga Abayuda, abenafyalo nangula ichilonganino chaku Lesa ukubifya.

1 Kolinto 16:10

Nga Timoti ayisa kuli mwe, mulingile ukwikala nakwe mumutende, ukwambula ichakumutinya pantu apyungila Bashikulu kubati nine.

1 Kolinto 16:15

Mwe bawesu, mwalishiba ati Sitefanasi nabamunanda yakwe ebakwamba ukuchetekela muchalo cha Akaya. Elo balipele mukubombela abantu baku Lesa.

1 Kolinto 16:24

Ukutemwa kwanji kube namwebo bonse muli Klistu Yesu. Ameni.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

2 Kolinto 1:19

Yesu Klistu, Umwana waku Lesa, uwo nebo, Sailasi na Timoti twamusambishe, taali “Ina” nangu “Iyowo” panshita imo, nomba inshita yonse aali “Ina” waku Lesa.

2 Kolinto 1:23

Lesa ekamboni wanji pakuti icho nshafikilepo ku Kolinto chali ichakuti nimwansha nsoni.

2 Kolinto 11:10

Ukulingana nechine ichaku Klistu ichili muli ne, nkoebesha ati tapapo umuntu uwakunkanya ukuyitutumwina pali mfi mu Akeya monse.

2 Kolinto 9:2

Ndishibile ukwebati mukofwayilisha ukwafwilisha. Echo ndayitutumuna kubena Masedoniya pamulandu wenu. Ndabeba ati, “Bawesu baku Akeya baliyipekenye kale umwaka washila ukuti bafwilishe.” Elo ukufwaya kwenu kwakoselesha abenji.

Galatiya 1:1

Nine Paulo umutumwa, tanshatuminwepo nomuntu, kuntu Yesu Klistu na Lesa Bata bo ababushishe Yesu Klistu kubafwa.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Efeso 1:1

Nine Paulo umutumwa waku Klistu Yesu uwasalwa kukufwaya kwaku Lesa. Nkolemba kalata nji kubantu abaku Lesa abali ku Efeso abachetekela muli Klistu Yesu.

Filipi 1:1

Nine Paulo na Timoti abapyungi baku Klistu Yesu. Twalembela bonse mwe bekala mumusumba wa Filipi, bo abali bantu baku Lesa muli Klistu Yesu. Tukolembela nakambi intungulushi nabapyungi abachilonganino.

1 Tesalonika 1:1

Nine Paulo, Sailasi pamo na Timoti. Tukolembela mwebo mwe chilonganino chaku Tesalonika, ichaku Lesa Bata na Bashikulu Yesu Klistu. Ubwanshi nomutende fibe namwebo.

1 Tesalonika 3:2

Emulandu wine twatumine Timoti, wesu nakambi umubomfi munesu uubilisha Ubutumi Bwawama ubusosa ifyaku Klistu. Twamutumine ukuti ese mukumukoselesha nokumwafwilishako muchichetekelo chenu.

2 Tesalonika 1:1

Nine Paulo, Sailasi pamo na Timoti. Tukolembela mwebo mwe chilonganino chaku Tesalonika, ichaku Lesa Bata na Bashikulu Yesu Klistu.

1 Timoti 1:1

Nine Paulo umutumwa waku Klistu, nga mfilya asosele Lesa, Umupulushi wesu namuli Klistu uutupela ukulolela kwesu.

2 Timoti 1:1

Nine Paulo umutumwa waku Klistu Yesu mukufwaya kwaku Lesa. Alintumine ukuti mbilishe ubumi mbulya Lesa alayile ubo twakwata muli Klistu Yesu.

Taitasi 1:1

Nine Paulo umupyungi waku Lesa, nakambi umutumwa waku Yesu Klistu. Nalisalilwe ukutangilila abasalwa ukuti bachetekele nokwishiba ichine, ichingabafikisha kubumi ubwakuchinshika Lesa

Filimoni 1:1

Nine Paulo umufungwa pamulandu waku Yesu Klistu. Tuli na Timoti wesu. Twalembela webo Filimoni we mutemwekwa nomupyungi munesu muli Klistu,

Hebele 13:23

Nkofwaya ukuti mwishibe ati wesu Timoti alifumamo muchifungo. Nga ayisa bwangu, nakwisa nakwe kuli mwe.