7 Kwaba bakamboni batatu:
Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”
Nga tomfwilepo, witeko umuntu umo nangu babili ukuti umulandu onse upingulwe pamenso yabakamboni babili nangu batatu.
Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.
Pakutatika, uyo uwitwa Ishiwi eko ali kale. Ali pamo na Lesa nakambi ni Lesa.
Bata nandibo twaba umo bwaka.”
Bata chinshikeni ishina lyenu!” Neshiwi lyafumine kumulu lyasosele ati, “Nebo ndilichinshikile kale, nakambi nakulichinshika.”
Ngu Mupashi uusambisha ifyakwebesha. Ichalo tachayise kumupokelela, pantu tabamubonapo nangu ukumwishiba. Nomba mwe mulimwishibile pantu ekala namwe nakambi ali muli mwe.
“Kafwa akwisa, e Mupashi Wabuta, uwo nakutuma kuli mwe ukufuma kuli Bata. Ewakuba mwanamboni wanji.
Kubati nimwenka mulya Bawishi babela entulo yabumi, mumo mwenka alimuchitile Umwana wakwe ukuba intulo yabumi.
Nebo nsosa ifyaku nebo, kuntu Bata abantumine ebashininkisha ifyanji.”
Yesu alibasukile ati, “Nga nebo nkoyichinshika nemwine, umuchinshi wanji wabwaka. Bata ebanchinshika nebo, abo mwebo mukoti e Lesa wenu.
Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.
Fwebo tuli bakamboni baku mfi fintu pamo no Mupashi Wabuta uyo Lesa apela bonse abamunakila.”
Nkomulembela pafya ishiwi ilipela ubumi ilyaliko ukutula pakubala. Twalilyumfwa nokulibona namenso esu. Ina, twalilibona nokukumyako namaboko esu.
Yesu Klistu ewayishile ukupitila mumenshi aalubatisho nomulopa wamfwa yakwe. Tayishilepo mumenshi bwaka, kuntu mumenshi namumulopa wakwe. Mupashi Wabuta ekamboni pantu wachishinka.
Mupashi Wabuta, amenshi nomulopa. Mfi fyonse fitupela bukamboni bumo bwenka.
Alifwite mwinjila uwayinjishiwe mumulopa. Ishina lyakwe ni, “Ishiwi lyaku Lesa.”
