1 Yohane 5:6 - Chipangano Chabwangu

⁶ Yesu Klistu ewayishile ukupitila mumenshi aalubatisho nomulopa wamfwa yakwe. Tayishilepo mumenshi bwaka, kuntu mumenshi namumulopa wakwe. Mupashi Wabuta ekamboni pantu wachishinka.

1 Yohane 5:6 ပူးပေါင်းရင်းမြစ်များ

Mateyo 26:28

Ngu mulopa wanji uwachipangano chabwangu, uwayitililwa abenji ukuti amabifyo abo anakililwe.

Mateyo 3:16

Ulo Yesu ashilile ukubatishiwa, bwangu-bwangu alisubukile mumenshi. Mumulu mwalisukile, abwene Mupashi waku Lesa ukoyisa kubati ninkunda pali Ye.

Maliko 14:24

Elo abebele ati, “Ngu mulopa wanji uwachipangano uwayitililwa pamulandu wabenji.

Luka 22:20

Munshila imo yenka alibapele nenkombo panuma yamulalilo, nokuti, “Ngu mulopa wanji uwachipangano ichabwangu chamumulopa wanji uwayitikilwe pamulandu waku mwebo.”]

Yohane 14:17

Ngu Mupashi uusambisha ifyakwebesha. Ichalo tachayise kumupokelela, pantu tabamubonapo nangu ukumwishiba. Nomba mwe mulimwishibile pantu ekala namwe nakambi ali muli mwe.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 15:26

“Kafwa akwisa, e Mupashi Wabuta, uwo nakutuma kuli mwe ukufuma kuli Bata. Ewakuba mwanamboni wanji.

Yohane 16:13

Nomba ulo wakwisa Umupashi Wabuta, akwisa kufisulula ukwebesha konse ukwaku Lesa. Akwisa kumulangilila ukwebesha konse. Takoyisa kuyisosela ifyamwine enka. Akwisa kusosa pafintu aumfwa, nokumweba pafintu ifyakwisa kuntanshi.

Yohane 3:5

Yesu alimwasukile ati, “Nachine nkokweba ati, nga muntu tafyelwepo kumenshi naku Mupashi Wabuta tekuti enjilepo mu Bufumu bwaku Lesa.

Yohane 4:10

Yesu alyasukile ati, “Nga wayishibilepo ifyo Lesa apela nokwishiba uyo uukokulomba amenshi aakunwa, nawebo nga wamulomba amenshi aabumi, naye nga akupela.”

Yohane 4:14

kuntu onse uunwa amenshi nakumupa tayise kumfwapo chilaka nakambi. Amenshi awo nakumupa akwisa kuba muli ye akamfuku-mfuku nokumupela amenshi aabumi butapwa.”

Yohane 6:55

Pakuti umubili wanji echakulya chinenene, nomulopa wanji echakunwa chinenene.

Imilimo ya batumwa 8:36

Ulo balikuya munshila, bafikile apali amenshi. Umuntu ngulya asosele ati, “Amenshi nga, chindo chakunkanya ukubatishiwa?” [

Loma 3:25

Lesa amupele ngu ukuti mumfwa yakwe abe nshila yakunakila amabifyo yabantu bonse abamuchetekela. Nchi chilanga ukulungama kwaku Lesa. Akale Lesa alikuteka umutima nokuleka amabifyo abantu.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Kolose 1:4

Pakuba tulyumfwile ukuchetekela kwenu uko mukwete muli Klistu Yesu, nefyo mwatemwa abantu baku Lesa bonse.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Taitasi 3:5

alitulubwile. Tepamulandu iyamilimo iiweme iyo twachitile iyowo, kuntu nimunkumbu shakwe. Alitulubula pakutusamba ukutupela ukufyalwa kwabwangu nobumi bwabwangu ukupitila mu Mupashi Wabuta.

Hebele 10:29

Mba chakuba shani kumuntu uupontela Umwana waku Lesa, uusula umulopa wa chipangano chaku Lesa ichimuwamisha kumabifyo akwe, uutuka Umupashi Wabuta uutupele ubwanshi? Ukukandwa kwamuntu ngu kwakubipisha ukwinekantu.

Hebele 12:24

Mwafika kuli Yesu, shibukombe uwapekenye ichipangano chabwangu, uwasanshile umulopa wakwe ukulaya ifintu ifiweme ukuchila ifyo umulopa wakwa Abeli wasosele.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Hebele 9:7

Nomba muchipinda chabubili mwalikwinjila bwaka Chipupila Mukulu epela. Elo alikwinjila inshita imo pamwaka. Talikwinjilamo ukwambula umulopa. Umulopa ngu alikupupila kuli Lesa pamulandu wakwe napamabifyo ayo abantu bachitile mukuteshiba.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

1 Petulo 3:21

Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.

1 Yohane 4:10

Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.

Ukufisulula 7:14

Nebo nayaswike ati, “Bashikulu mwe mwishibe nimwebo.” Elo anjebele ati, “Mba ebali mumachushi aakulu ngalya. Balichapa iminjila yabo nokuyitubisha mumulopa wa Mwana wambelele.