1 Yohane 5:4 - Chipangano Chabwangu

⁴ Pakuba umwana waku Lesa onse alachimfya ifyamuno chalo. Icho tuchimfishako ifyapanonse chichetekelo.

1 Yohane 5:4 ပူးပေါင်းရင်းမြစ်များ

Yohane 1:13

Ukuba abana baku Lesa takwafuminepo kubafyashi babo, nangula mukufwaya kwamuntu iyowo, kuntu bafyelwe mufiso fyaku Lesa.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Yohane 3:3

Yesu alimwasukile ati, “Nachine nkokweba ati, nga muntu tafyelwepo libili tekuti enjilepo mu Bufumu bwaku Lesa.”

1 Kolinto 15:57

Nomba tutondayishe Lesa uwalengele ukuti tuchimfye muli Bashikulu Yesu Klistu.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

1 Yohane 3:9

Umuntu onse uwaba umwana waku Lesa, tatwalililapo ukubifya pantu imibele yaku Lesa yaba muli ye. Pakuti Lesa ewishi, tekuti atwalililepo ukubifya.

1 Yohane 4:4

Mwe bana banji muli baku Lesa. Abasoseshi ababufi mwalibachimfya kale pakuti Umupashi uuli muli mwebo uli nefiso ukuchila uwo bakwata abamuno chalo.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

1 Yohane 5:18

Twalishiba ukuti Umwana waku Lesa tatwalililapo ukubifya. Pakuba Yesu, Mwana waku Lesa, alamulama bwino, no Mubi tekuti amuchitepo kantu.

1 Yohane 5:5

Mba ninani uuchimfya ichalo? Ningulya uuchetekela ukuti Yesu e Mwana waku Lesa epela.

Ukufisulula 12:11

Bawesu balichimfishe nomulopa wa Mwana wambelele, namashiwi ayachine ayo balikubilisha. Bo baliyipele ukufikapo, ichakwebati tabali kutinapo nokufwa.

Ukufisulula 15:2

Nakambi nalibwene ichintu chimo ichalikuboneka kubati nibemba wachilola ichasankanishiwa nomulilo. Nalibwene abachimfishe ichiswango, ichipasho chachiko, elo nenambala iyeshina lyakwe. Balimakene mululamba lwabemba ndulya. Balikwete namasese ayo Lesa abapele.

Ukufisulula 2:11

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, tayakamukumyeko imfwa yachibili.

Ukufisulula 2:17

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, nakumupela mana aatabonekapo ukuti alye. Nakambi nakumupela ibwe ilitubile apalembwa ishina lyabwangu ilyayishibikwa bwaka kumwine uwakupokelela epela.

Ukufisulula 2:26

Onse uwakuchimfya nokulama imilimo yanji ukufikila nakumupwilo, nakumupela ubuleme ubwakuteka imishobo yonse iyabantu.

Ukufisulula 2:7

“Uyo uuli namatwi, omfwe ifyo Mupashi Wabuta ukososa kufilonganino! “Kuli onse uwakuchimfya nakumusuminisha ukulyako kufitwalo ifyakuchiti ichabumi ichaba mukati kachifulo ichakusekelela.

Ukufisulula 3:12

Onse uwakuchimfya, nakumupanga ukuba ichitebe munanda yaku Lesa wanji, takafumemo iyowo. Pali ye nakulembapo ishina lyaku Lesa wanji nelyamusumba wanji, ekuti Yelusalemu wabwangu, ukafuma kumulu kuli Lesa wanji. Pali ye nakulembapo nakambi ishina lyanji ilyabwangu.

Ukufisulula 3:21

Onse uwakuchimfya nakumusuminisha ukwikala nandibo pamupando wanji uwabufumu, kubati nimfilya nachimfishe nokwikala na Bata pamupando wabufumu.

Ukufisulula 3:5

Bonse abakuchimfya, bakufwala mfi ifibutile tuutu, amashina abo nshakafutepo mwibuku lyabumi. Nakubilisha amashina abo kuli Bata nabangelo bakwe.