1 Yohane 5:14 - Chipangano Chabwangu

¹⁴ Echo imitima yesu yaba iyashipa pachinso chaku Lesa, pantu alatumfwa muli fyonse ifyo tulomba ukulingana nobufwayo bwakwe.

1 Yohane 5:14 ပူးပေါင်းရင်းမြစ်များ

Yohane 14:13

Elo nakwisa kuchita fyonse ifyo mwakwisa kulomba mwishina lyanji ukuti Bata bachinshikilwe mu Mwana wabo.

Yohane 15:7

Nga mukoyikalilila muli nebo, namashiwi anji ayikala muli mwebo, fumbeni chonse incho mukofwaya, elo chikoyisa kupelwa kuli mwe.

Mateyo 21:22

Nga mwachetekela, chonse icho mwakufumba mukulomba kwenu, mwakupelwa.”

Yemusi 4:3

Nangu amwalomba tamupokelapo, pantu tamulombapo bwino. Ifyo mulomba mufwaya ukuposa bwaka pafintu ifingamusangalasha epela.

Yohane 9:31

Twalishiba ukuti Lesa tomfwapo mbifi, kuntu omfwa abantu abamuchinshika nokuchita ifyo afwaya.

Efeso 3:12

Pakuti tulachetekela muli Klistu, tungashipikisha ukufika kuli Lesa ukwambula umwenso.

Yohane 16:24

Inshita yapitapo tamwafumbilepo kantu mwishina lyanji. Fumbeni, elo mwakupokelela ukuti ukusekelela kwenu kube ukwafikapo.

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

Yemusi 5:16

Echo fisululeni amabifyo enu onse kuli bawenu nokulombela umo nomunakwe. Ukulomba kwamuntu uwakaele kwalikwata ifiso ifikulu.

Hebele 10:35

Echo mwiposapo ukushipa kwenu pakuti kwakumuletela ichabupe ichikulu.

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

Yohane 11:42

Nalishiba ukuti mulang’umfwa inshiku shonse, kuntu nasosa mfi pamulandu wabantu mba abali mpano, ukwebati bachetekele ukuti nimwe mwantumine.”

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.