1 Yohane 5:10 - Chipangano Chabwangu

¹⁰ Umuntu onse uwachetekela mu Mwana waku Lesa ewakwata bukamboni mbu. Onse uutachetekela, alenga Lesa ukuba uwabufi pantu tachetekelepo bukamboni ubo Lesa apela pa Mwana wakwe.

1 Yohane 5:10 ပူးပေါင်းရင်းမြစ်များ

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 3:18

Uyo onse uwakuchetekela mu Mwana takopingulwapo, kuntu uyo onse uutachetekela ye apingulwa kale, pantu tachetekelapo mu Mwana umo enka waku Lesa.

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Yohane 5:38

Mwebo tamukosungapo amashiwi aku Bata mumitima yenu, pakuti tamukochetekelapo muli ye uwo atuma.

Imilimo ya batumwa 8:37

Filipo ayasukile ati, “Kati mwachetekela nomutima wenu onse mwakubatishiwa.” Umuntu ngulya asosele ati, “Ina, nachetekela ukuti Yesu Klistu e Mwana waku Lesa.”]

Loma 8:16

Umupashi waku Lesa ulasuminishanya pamo nemitima yesu ulo ikoti tuli bana baku Lesa.

Galatiya 4:1

Icho nkososa chakuti, umwana uulingile ukupokelela ububoni bwabawishi ulo achili umwana, tapusenepo nomusha nangu emwine wabuboni bonse.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Kolose 3:3

Pakuba mwebo mwalifwa, nobumi bwenu bwalisungwa pamo na Klistu muli Lesa.

Hebele 3:12

Mwe bawesu muchenjele ukuti kwibapo nangu umo muli mwe uwamutima uubi uutachetekelapo uyo uwingamutalushako kuli Lesa wabumi.

2 Petulo 1:19

Nomba tulishibile ukuti amashiwi aabasoseshi nga achine. Mwakuchita ichiweme nga mwayomfwila, pakuba ali kubati ninyali iisanika mumfishi kumacha ulo intandala yaluchelo yamba ukusanika mumitima yenu.

1 Yohane 1:10

Nga twasosa ukuti tatwabifyapo, tulalenga Lesa ukuba uwabufi, ekuti namashiwi akwe taalipo muli fwe.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

Ukufisulula 12:17

Ichisoka nchi chalikalipile umwanakashi ukwinekantu. Elo chayile ukulwisha abamukowa bamwanakashi ngu abashele balikulama amafunde aku Lesa, bo abalikubilisha ifyaku Yesu muchine.

Ukufisulula 2:17

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, nakumupela mana aatabonekapo ukuti alye. Nakambi nakumupela ibwe ilitubile apalembwa ishina lyabwangu ilyayishibikwa bwaka kumwine uwakupokelela epela.

Ukufisulula 2:28

Nakumupela ubufumu kubati nimbulya napelwe kuli Bata. Nakumupela nentandala yaluchelo.