1 Yohane 4:7 - Chipangano Chabwangu

⁷ Mwe batemwekwa, tulokutemwana umo nomunakwe pantu ukutemwa kutula kuli Lesa. Onse wakwata ukutemwa mwana waku Lesa, nakambi alimwishiba Lesa.

1 Yohane 4:7 ပူးပေါင်းရင်းမြစ်များ

Yohane 13:34

Nomba nkomupela ifunde ilyabwangu ilyakuti mulokutemwana umo nomunakwe. Ukubati nimfilya nebo namutemwa, efyo mulingile ukutemwana.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

1 Kolinto 8:3

Nomba umuntu uwatemwa Lesa, alishibwa na Lesa.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

Galatiya 4:9

Kuntu nomba mwalishiba Lesa, nangula nkasose ati Lesa alimwishiba, mba nindo mukobwelela kutufuto ntulya twabwaka nakambi utwansha nsoni? Mulandu ndo mukofwaya ukuba abasha nakambi bamfilya?

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

2 Timoti 1:7

Pakuti Lesa tatupelepo Umupashi wamwenso iyowo, kuntu uutupela ifiso, ukutemwa nokwikanya.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Yohane 2:10

Uyo watemwa wakwe ayikala mulubuto, elo tapapo nangu chimo muli ye chakumunenusha.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

1 Yohane 2:3

Nga twakonka amafunde aku Lesa, ekwebati twashininkisha ukuti tulimwishibile.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 2:7

Mwe batemwekwa banji, ndi funde nkomulembela telyabwangupo, kuntu nindilya mwali nalyo ukufuma kukutatika. Ifunde ndi mashiwi mwaumfwile kale.

1 Yohane 3:9

Umuntu onse uwaba umwana waku Lesa, tatwalililapo ukubifya pantu imibele yaku Lesa yaba muli ye. Pakuti Lesa ewishi, tekuti atwalililepo ukubifya.

1 Yohane 4:11

Mwe batemwekwa, nga Lesa atutemenwe mfi tufwile ukutemwana.

1 Yohane 4:12

Tapapo uwabona Lesa iyowo, kuntu nga twatemwana ekuti Lesa aba muli fwebo, nokutemwa kwakwe kwaba ukwafikapo muli fwe.

1 Yohane 4:16

Nafwe bene twalishiba nokuchetekela ukutemwa akwata muli fwebo. Lesa kutemwa. Umuntu onse uwakwata ukutemwa ali muli Lesa na Lesa muli ye.

1 Yohane 4:20

Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?

1 Yohane 4:8

Umuntu onse ushitemwa ekuti na Lesa tamwishibapo pantu Lesa kutemwa.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

2 Yohane 1:5

Nomba nkokupapata we mwanakashi uwatemwekwa ukuti tulundeko bonse ukutemwana. Nshikokulembelapo ifunde ilyabwangu iyowo, kuntu lyenka ndilya twakwata ukufuma pakutatika.