1 Yohane 4:20 - Chipangano Chabwangu

²⁰ Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?

1 Yohane 4:20 ပူးပေါင်းရင်းမြစ်များ

Yohane 13:35

Nga mukotemwana, abantu bakwisa kumwishiba ukuti muli bakusambila banji.”

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.

1 Yohane 1:6

Nga twasosa ukuti twaba mwisenge nakwe ulo tukoyenda mumfinshi, tukoyibepa, nefyo tuchita fyabwaka.

1 Yohane 1:8

Nga twasosa ukuti tatwakwatapo bubi, twayibepafye, nechine tamupo muli fwe.

1 Yohane 2:11

Umuntu onse uwapata wakwe ali mumfinshi nakambi enda mumfinshi. Teshibapo uko akoya pantu imfinshi yamulenga ukutabona.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 2:9

Umuntu onse uusosa ukuti aba mulubuto, elo apata wakwe ali mumfinshi napali nji nshita.

1 Yohane 3:17

Nga umuchindami abona wakwe akokabila ubwafwilisho, kuntu tamwafwile, ukutemwa kwaku Lesa kwaba shani muli Ye?

1 Yohane 4:12

Tapapo uwabona Lesa iyowo, kuntu nga twatemwana ekuti Lesa aba muli fwebo, nokutemwa kwakwe kwaba ukwafikapo muli fwe.