1 Yohane 4:1 - Chipangano Chabwangu

¹ Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

1 Yohane 4:1 ပူးပေါင်းရင်းမြစ်များ

Maliko 13:21

“Munshiku nshilya umuntu kati akumweba ati, ‘Boneni, Klistu ngu!’ Nangula, ‘Ngulya,’ tekwesha ukusumina iyowo.

Luka 12:57

“Nindo mutayipingwila mwebene pakuchita ichintu ichiweme?

Luka 21:8

Elo Yesu abasukile ati, “Chenjeleni ukuti umuntu nangu umo ekamubepapo. Pakuba abenji bakwishila mwishina lyanji nokusosa ati, ‘Nine Klistu!’ Nakambi, ‘Inshita nomba yafika!’ Nomba mwibakonka.

Imilimo ya batumwa 17:11

Abantu baku Beleya bali nemitima yakumfwisha ukuchila abakumusumba wa Tesalonika. Mba bena balikufwayisha ukumfwisha amashiwi nemitima yabo yonse. Elo balikupitulukamo Mumalembo aku Lesa ukuti bashininkishe ifyalikusosa Paulo kati fyachine.

Imilimo ya batumwa 20:29

Ukuba ndishibile ukwebati nga naya, imimbulu iikali yakumwinjilila nokutapa umukuni waku Klistu.

1 Kolinto 12:10

Upela umuntu umbi ifiso ifyakuchita ifyafiso ifikulu, umbi naye ukushimika amashiwi aku Lesa. Elo umbi ukupatulula ubupe ubufuma ku Mupashi uuweme nangula uubi, umbi upelwa ukusosa mundimi ishitayishibikwa, nakuli umbi upela ukwalula indimi nshi.

1 Kolinto 14:29

Abakubilisha amashiwi aku Lesa babe babili nangula batatu, elo bambi balokupingulapo pafyo bakososa.

1 Tesalonika 5:20

Mwisaushapo Ubutumi Bwawama ubukobilishiwa.

1 Tesalonika 5:21

Lelo mweshe ifintu fyonse. Mulame ifiweme.

2 Tesalonika 2:2

ukuti mwifulungana mukulanguluka ati, “Akasuba kaku Bashikulu kafika.” Nangula basose ukuti nga mashiwi afumine kubusoseshi nangula ukusambisha kwesu, nangu ukwebati nifwe twalembele mukalata.

1 Timoti 4:1

Umupashi Wabuta ukotwebako apatubile tuutu ukuti munshiku shakulekelesha abantu bakaposa ichichetekelo chabo. Bakutatika ukumfwila abantu ababufi nokukonka imisambishishe yafibanda.

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

2 Petulo 2:1

Nomba pali abasoseshi ababufi pakati kabena Isilaeli. Echo napali mwebo pakuboneka bakasambisha ababufi. Bakwinjisha mubumfinsolo ifyakusambisha ifyabufi ifyonaula, bakukana na Bashikulu kumo bo ababapulwishe. Echo bakwiletela ubonaushi.

1 Yohane 2:18

Mwe bana banji, nji ninshita yakupelako! Mwalyebelwe ukuti ichipondo chaku Klistu chakwisa. Nomba ifipondo fyaku Klistu ifinji nafiboneka kale. Echo tulishibile ukuti nji ninshita yakupelako.

1 Yohane 2:7

Mwe batemwekwa banji, ndi funde nkomulembela telyabwangupo, kuntu nindilya mwali nalyo ukufuma kukutatika. Ifunde ndi mashiwi mwaumfwile kale.

2 Yohane 1:7

Pakuti ababufi abenji balisalangene mpanga yonse, abo abatachetekela ukuti Yesu Klistu ayishileba umuntu wine-wine. Umuntu onse uukokana mfi wabufi, nakambi chipondo chaku Klistu.

3 Yohane 1:11

We mutemwekwa, wilatentekapo ifibi, kuntu ifiweme. Onse uuchita ifiweme, ena mwana waku Lesa, kuntu ukochita ifibipile tamubonapo Lesa.

Ukufisulula 2:2

Ye akoti, Imilimo yobe yonse nalishiba. Nalishiba nokupyunga kobe konse nokushipikisha. Nakambi nalishiba ukuti taukutikapo kubantu ababi iyowo. Mbalya abayitunganya ukuba abatumwa, walibesha nokubasanga ababufi.