1 Yohane 3:7 - Chipangano Chabwangu

⁷ Mwileka umuntu amubepe bana banji. Umuntu onse uuchita ifyaololoka aaba uwaololoka kubati ni Klistu.

1 Yohane 3:7 ပူးပေါင်းရင်းမြစ်များ

Mateyo 5:20

Echo nkomweba ati, ukuchetekela kwenu kati takuchililepo ukwabasambishi ba Mafunde akwa Mosesi nokwa Bafalisi, tamwakenjilemo mubufumu bwakumulu.

Luka 1:75

Ukuti tube abapatulikwa nabaololoka pamenso akwe, munshiku shonse ishabumi bwesu.

Imilimo ya batumwa 10:35

Alapokelela umuntu uli onse uumulomba nokuchita ifyalungama ukwambula ukulolesha pamutundu wakwe.

Loma 2:13

Pakuti Lesa tabonapo abantu nga balungama pakumfwa Amafunde iyowo, kuntu nimukuchita ifyo Amafunde afwaya.

1 Kolinto 6:9

Napo tamwishibilepo ukuti imbifi tashakabonepo ubufumu bwaku Lesa? Mwilokuyibepapo, abachende, abalomba tungosa wakubasa, inchechemeshi, abaulungana nabalalume banabo,

Efeso 5:6

Kwibapo umuntu nangu umo uwakumupunamika namashiwi aabwaka, pakuti ifintu ifyamusango ngu efileta ubukali bwaku Lesa pabantu abatamumfwilapo.

Efeso 5:9

Pakuba apali ukusanika pasangwapo ubune, ubulungami nefyachine fyonse.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Hebele 1:8

Nomba pafya Mwana wakwe Lesa asosele ati, “Mwe Lesa, umupando wenu wabufumu wakubelelela lonse mubufumu bwenu mulapingula mubulungami.

Hebele 7:2

Abulahamu alimupelepo chimo chapekumi palifyonse ifyo apokele. (Ubupilibulo bwakutatikilapo ubwe shina lya Melikisedeki bwakuti, “Imfumu yaku Salemu,” emukuti, “Imfumu ya Mutende.”)

Yemusi 1:22

Mwiyibepapo mwenka mukumfwa Amashiwi aku Lesa bwaka, kuntu chitenipo ifyo akososa.

Yemusi 2:19

Mwebo muchetekela ukwebati Lesa umo bwaka. Chiweme! Nayo imipashi iibi ilachetekela nokututuma kumwenso.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

1 Yohane 2:1

Mwe bana banji, nkomulembela mfi ukuti mulokubifyapo. Lelo nga umo abifya, tulikwete kafwa utulubulwilako kuli Shifwe, ni Yesu Klistu uulungeme.

1 Yohane 2:26

Nkomulembela mfi pamulandu waku bo abakofwaya ukumulufya.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

1 Yohane 3:18

Mwe bana banji, ukutemwa kwesu takufwilepo ukuba bwaka pakanwa. Tufwile ukulanga ukutemwa kwesu munchito shesu.

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.

1 Yohane 4:17

Ukutemwa kwesu nga kwaba ukwafikapo, ekuti ubumi bwesu pano chalo bwakubati bwaku Klistu. Elo tukakwata ukushipikisha pakasuba kabupingushi.