1 Yohane 3:2 - Chipangano Chabwangu

² Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

1 Yohane 3:2 ပူးပေါင်းရင်းမြစ်များ

Mateyo 5:8

“Balishuka bo abelele imitima, pakuti bakubona Lesa.

Luka 17:30

Efyo chakwisa kuba pakasuba ulo Umwana wa Muntu akwisa kuyifisululamo.

Luka 20:36

Bakwisa ukubati bangelo. Tekuti bafwepo. Bana baku Lesa pantu balibukile kubafwa.

Yohane 1:12

Nomba abo abamupokelele nokumuchetekela, alibapele ifiso ifyakuba abana baku Lesa.

Yohane 11:52

Tekufwilapo Bayuda benka iyowo, kuntu nokulonganya abana baku Lesa bonse abo abapalangana.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Loma 8:16

Umupashi waku Lesa ulasuminishanya pamo nemitima yesu ulo ikoti tuli bana baku Lesa.

Loma 8:18

Ukuchula uko tukopitamo nkano kashita tekuti tukulinganyepo nobuleme ubo Lesa akutufisulwila.

Loma 8:19

Ifyo fyonse Lesa alengele fikolindila ukwinekantu ulo Ye akufisulula abana bakwe.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

1 Kolinto 13:12

Nomba nkobona ifintu kubati chinshingwa muchilola. Elo pali njilya nshita twakubonana amenso namenso. Nduno ndishibile panini, kuntu pali njilya nshita nakwishiba ukufikapo, kubati nimfilya banjishiba ukufikapo.

1 Kolinto 15:49

Ukubati ifyo twakwata ichipasho chamuntu wabumbilwe kwiloba, efyo twakukwata ichipasho chaku ngulya uwafumine kumulu.

1 Kolinto 2:9

Chabati nimulya Amalembo asosa ati, “Ifyo umuntu atabwenepo nangu ukumfwa, ifyo umuntu atalangulukilepo ukuti chakuchitika, echo Lesa apekanishishe abo abamutemwa.”

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Filipi 3:21

Ye akwalula imibili yesu nji iyabwaka ukwebati ipalane nomubili wakwe uwabuleme. Akuchita mfi kufiso fyakwe mfilya ifyo angalenga ifintu fyonse ukutungululwa na Ye.

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

2 Petulo 1:4

Muli mfi alitupela ifilayo ifikulu ukwinekantu ukuti mukapokelele ubumi bwaku Lesa panuma yakupulushiwa kukonauka kwapanonshi pamulandu wakufwaya ububi.

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

1 Yohane 2:7

Mwe batemwekwa banji, ndi funde nkomulembela telyabwangupo, kuntu nindilya mwali nalyo ukufuma kukutatika. Ifunde ndi mashiwi mwaumfwile kale.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.

1 Yohane 3:21

Mwe batemwekwa banji, nga kampingu wesu tatushininapo, teti tukwate umwenso pachinso chaku Lesa.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

Ukufisulula 2:28

Nakumupela ubufumu kubati nimbulya napelwe kuli Bata. Nakumupela nentandala yaluchelo.

Ukufisulula 22:4

Bakubona ichinso chakwe neshina lyakwe lyakuba ilyalembwa pampumi shabo.