1 Yohane 3:11 - Chipangano Chabwangu

¹¹ Amashiwi awo twaumfwile ukutula pakutatika akuti tulokutemwana.

1 Yohane 3:11 ပူးပေါင်းရင်းမြစ်များ

Yohane 13:4

Echo ayimakene pamulalilo, afulila ilaya lyali kunse nokukaka insalu iyakupukutilako mumusana wakwe.

Yohane 15:12

Ifunde lyanji nindi ilyakwebati mutemwane ukubati nimulya namutemwa.

Galatiya 6:2

Afwaneniko ifikomulemena. Nga mwachita mfi ekwebati mukolama ifunde lyaku Klistu.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

1 Tesalonika 4:9

Ukusosa pafyakutemwana abena Klistu, tanshilingilepo nokumulembela pantu Lesa umwine amusambishe ifyo muli nokutemwana.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

1 Yohane 1:5

Amashiwi ayo twaumfwile ku Mwana wakwe akuti Lesa lubuto. Muli Ye tamupo imfinshi iyowo.

1 Yohane 4:11

Mwe batemwekwa, nga Lesa atutemenwe mfi tufwile ukutemwana.

1 Yohane 4:21

Ifunde ilyo Klistu atupela nindi: onse uwatemwa Lesa atemwe nawakwe.

1 Yohane 4:7

Mwe batemwekwa, tulokutemwana umo nomunakwe pantu ukutemwa kutula kuli Lesa. Onse wakwata ukutemwa mwana waku Lesa, nakambi alimwishiba Lesa.

2 Yohane 1:5

Nomba nkokupapata we mwanakashi uwatemwekwa ukuti tulundeko bonse ukutemwana. Nshikokulembelapo ifunde ilyabwangu iyowo, kuntu lyenka ndilya twakwata ukufuma pakutatika.