1 Yohane 3:10 - Chipangano Chabwangu

¹⁰ Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.

1 Yohane 3:10 ပူးပေါင်းရင်းမြစ်များ

Mateyo 13:38

Ibala ndilya echalo, imbuto nshilya ekwebati bantu bamubufumu bwaku Lesa. Ulunsekwe ebantu bamubi ngulya.

Luka 6:35

Ala! Mulokutemwa abalwani benu nokubachitila ubune, bakongwesheni nokusulako. Mwakwisakupokelela ichilambu chenu ichikulu. Mwakwisa kuba abana baku Lesa uwapulamo pakuti Ye ali uuweme kuli abo abatatotapo nakubabi.

Yohane 1:12

Nomba abo abamupokelele nokumuchetekela, alibapele ifiso ifyakuba abana baku Lesa.

Yohane 11:52

Tekufwilapo Bayuda benka iyowo, kuntu nokulonganya abana baku Lesa bonse abo abapalangana.

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Yohane 8:47

Umuntu onse uwaku Lesa omfwa amashiwi aku Lesa. Nomba mwebo icho mutomfwila, tamuli bantu baku Lesa iyowo.”

Imilimo ya batumwa 13:10

nokusosa ati, “We mwana wakwa Satana! Walipata ifintu fyonse ifyalungama. Waliwula namano ayabuchenjeshi ububi. Inshita shonse ulafwaya ukufulunganya ifyachine ifyaku Bashikulu!

Loma 13:8

Mwilokuba nenkongole kumuntu nangu umo kano nji iyakutemwana umo nomunakwe. Uutemwa wakwe, alama ifyo ifisosa Amafunde aku Lesa.

Efeso 5:1

Nomba epo muli bana baku Lesa abatemwekwa, mulokwesha ukumupasha.

Kolose 3:14

Pali mfi fyonse, mube nokutemwa pantu ukutemwa ekukumbinkanya fyonse pamo muchine.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

1 Yohane 4:21

Ifunde ilyo Klistu atupela nindi: onse uwatemwa Lesa atemwe nawakwe.

1 Yohane 4:6

Lelo fwebo tuli baku Lesa. Onse uwayishiba Lesa alatumfwila. Abashishibe Lesa, tabatumfwilapo iyowo. Munshila nji emo Mupashi wachine nowabufi tuwishibilamo.

1 Yohane 4:8

Umuntu onse ushitemwa ekuti na Lesa tamwishibapo pantu Lesa kutemwa.

1 Yohane 5:19

Twalishiba ukuti fwebo tuli bana baku Lesa, nangu chalo chonse chaba muminwe ya Mubi.

1 Yohane 5:2

Umu emo twishibilako ukuti twalibatemwa abana baku Lesa ulo tutemwa Lesa nokulama amafunde akwe.

3 Yohane 1:11

We mutemwekwa, wilatentekapo ifibi, kuntu ifiweme. Onse uuchita ifiweme, ena mwana waku Lesa, kuntu ukochita ifibipile tamubonapo Lesa.