1 Yohane 2:6 - Chipangano Chabwangu

⁶ Uuli onse uusosa ukuti ali mwisenge na Lesa, alingile ukwikala ukubati nimfilya Yesu Klistu ayikele.

1 Yohane 2:6 ပူးပေါင်းရင်းမြစ်များ

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Yohane 13:15

Nebo nachita ichakubwenapo kuli mwe. Echo namwe mulingile mulokuchita ukubati ifyo nebo namuchitila.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

1 Kolinto 11:1

Mulokutenteka nebo ukubati ifyo ntenteka Klistu.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

1 Petulo 2:21

Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 3:24

Umuntu onse uulama amafunde yakwe ayikala muli Klistu naena muli Ye. Tulishibile ukuti Klistu ayikala muli fwebo pantu alitupa Umupashi Wabuta.

1 Yohane 3:6

Umuntu onse uuli muli Klistu tekalililapo mububi, lelo onse uutwalilila mububi ekwebati tamubonapo nangula ukumwishiba.

1 Yohane 4:17

Ukutemwa kwesu nga kwaba ukwafikapo, ekuti ubumi bwesu pano chalo bwakubati bwaku Klistu. Elo tukakwata ukushipikisha pakasuba kabupingushi.