1 Yohane 2:22 - Chipangano Chabwangu

²² Mba uwabufi ninani? Ningulya onse uusosa ukuti Yesu talipo Uwasubwa waku Lesa. Umuntu uukana Bata no Mwana echipondo chaku Klistu.

1 Yohane 2:22 ပူးပေါင်းရင်းမြစ်များ

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Mateyo 24:5

Pakuba abenji bakwishila mwishina lyanji nokusosa ati, ‘Nine Klistu,’ nokubepa bakubepa abantu abenji.

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

1 Yohane 1:6

Nga twasosa ukuti twaba mwisenge nakwe ulo tukoyenda mumfinshi, tukoyibepa, nefyo tuchita fyabwaka.

1 Yohane 2:18

Mwe bana banji, nji ninshita yakupelako! Mwalyebelwe ukuti ichipondo chaku Klistu chakwisa. Nomba ifipondo fyaku Klistu ifinji nafiboneka kale. Echo tulishibile ukuti nji ninshita yakupelako.

1 Yohane 2:23

Umuntu onse uukana Umwana akana na Bata. Uwasumina Umwana ekuti asumina na Bata.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 4:20

Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?

1 Yohane 4:3

Nomba onse uukolengulula ifyaku Yesu, takwatapo Mupashi waku Lesa. Ngu ali nomupashi uufuma kuchipondo chaku Yesu. Mwalyumfwile ati chakwisa, nanomba chalisa kale muno chalo.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

2 Yohane 1:7

Pakuti ababufi abenji balisalangene mpanga yonse, abo abatachetekela ukuti Yesu Klistu ayishileba umuntu wine-wine. Umuntu onse uukokana mfi wabufi, nakambi chipondo chaku Klistu.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

Ukufisulula 3:9

Boneni! Ekobali abantu bakwa Satana, bo abakososa ukuti Bayuda, kuntu iyowo. Nakubalenga ukuti bakese kufukama kumolu obe mukuyichefya. Elo bakwishiba ukuti nalikutemwa.