1 Yohane 2:14 - Chipangano Chabwangu

¹⁴ Nkolembela mwe bana banji, pantu mwalishiba Bata. Nkolembela mwe bashifwe, pantu muli mwishibile uyo uwabako ukufuma kukutatika. Nkolembela mwe balumbwana, pantu muli nefiso. Ishiwi lyaku Lesa likala muli mwebo, mwamuchimfya Umubi ngulya.

1 Yohane 2:14 ပူးပေါင်းရင်းမြစ်များ

Yohane 15:7

Nga mukoyikalilila muli nebo, namashiwi anji ayikala muli mwebo, fumbeni chonse incho mukofwaya, elo chikoyisa kupelwa kuli mwe.

Yohane 5:38

Mwebo tamukosungapo amashiwi aku Bata mumitima yenu, pakuti tamukochetekelapo muli ye uwo atuma.

Yohane 8:31

Elo Yesu asosele ku Bayuda abamuchetekele ati, “Kati mwakusunga ukusambisha kwanji, nachine mwakuba abakusambila banji.

Yohane 8:37

Nalishiba ukuti muli bana bamulupwa lwakwa Abulahamu. Nomba mwebo mukofwaya ukunjipaya pakuti tamukosuminapo ukusambisha kwanji.

Efeso 6:10

Pakupelako nkoti, koseni muli Bashikulu, namufiso fyabo ifikulu.

Filipi 4:13

Ningachita ichili chonse pakuti Klistu eumpela ifiso.

Kolose 1:11

Tulelomba ukuti Lesa amukoshe ndi mufiso fyakwe ifyabuleme, ukuti mulokuba abakushipikisha, abakuteka imitima mufintu fyonse.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

2 Timoti 2:1

Nomba webo mwana wanji, shipa mubwanshi ubo twakwata muli Klistu Yesu.

Hebele 8:10

Nomba ichipangano nakupanga nomutundu waba Isilaeli ninchi, efyo asosa Shikulu Lesa, Nakubika amafunde anji mumitima yabo, nakuyalemba mumitima yabo. Nakuba Lesa wabo, nabo bakuba bantu banji.

1 Yohane 1:1

Nkomulembela pafya ishiwi ilipela ubumi ilyaliko ukutula pakubala. Twalilyumfwa nokulibona namenso esu. Ina, twalilibona nokukumyako namaboko esu.

1 Yohane 1:10

Nga twasosa ukuti tatwabifyapo, tulalenga Lesa ukuba uwabufi, ekuti namashiwi akwe taalipo muli fwe.

1 Yohane 2:13

Nkolembela mwe bata pantu mulimwishibile uyo uwabako ukufuma kukutatika. Nkolembela mwe balumbwana pantu mwamuchimfya Umubi ngulya.

2 Yohane 1:2

Tukomulembela mfi pantu ichine chaba muli fwebo nakambi chakuba nafwebo inshiku shonse.

3 Yohane 1:3

Pakuti nalitemenwe ukwinekantu ulo bawesu bambi bafikile nokunjeba ukuti ubumi bobe bwaba ubwakwebesha, ukokonka nefyachine.

Ukufisulula 2:3

Nalishiba ukuti walitekanya, walichula pamulandu wakunebo, elo tawanenukapo.

Ukufisulula 2:7

“Uyo uuli namatwi, omfwe ifyo Mupashi Wabuta ukososa kufilonganino! “Kuli onse uwakuchimfya nakumusuminisha ukulyako kufitwalo ifyakuchiti ichabumi ichaba mukati kachifulo ichakusekelela.