1 Yohane 2:10 - Chipangano Chabwangu

¹⁰ Uyo watemwa wakwe ayikala mulubuto, elo tapapo nangu chimo muli ye chakumunenusha.

1 Yohane 2:10 ပူးပေါင်းရင်းမြစ်များ

Mateyo 13:21

Nomba amashiwi nga tayenjilisha mumitima yabo, yekalamo bwaka inshita iinini, kuntu ulo kwayisa ubuchushi nomwalu, pamulandu wamashiwi aku Lesa, bwangu-bwangu baleka ukumfwa amashiwi nga.

Mateyo 18:7

Ishamo kubantu bapanonshi abo abalenga abanabo ukubifya! Ina ukubifya epo kwaba, kuntu ishamo kumuntu uyo uulenga abantu bambi ukubifya!

Yohane 11:9

Yesu abasukile ati, “Kanshi mukasuba tamwaba maoola ikumi na abili? Umuntu onse uwenda mukasuba tekuti ayitutulepo, pantu akasuba kakosanika.

Yohane 12:35

Yesu abasukile ati, “Ukusanika kuli pali mwebo mukanshita kanini. Endeni mukusanika ulo muchili nako ukuti imfishi iimufimbapo, pakuti uukoyenda mumfinshi teshibapo uko akoya.

Yohane 8:31

Elo Yesu asosele ku Bayuda abamuchetekele ati, “Kati mwakusunga ukusambisha kwanji, nachine mwakuba abakusambila banji.

Loma 14:13

Nomba umwina Klistu onse epingulapo umunakwe. Elo achenjele ukuti echitapo chimo ichingalenga ukuba ichipunwisho kumunakwe.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

2 Petulo 1:10

Echo mwe bawesu, chinchileni ukuchilapo ukushininkisha ukwebati Lesa alimwita nakambi alimusala. Nga mwachita mfi, tekuti muwepo iyowo.

1 Yohane 2:11

Umuntu onse uwapata wakwe ali mumfinshi nakambi enda mumfinshi. Teshibapo uko akoya pantu imfinshi yamulenga ukutabona.

1 Yohane 3:14

Tulishibile ukwebati tulifuminemo nokuba nobumi. Tulishibile nchi pantu twalitemwa bawesu. Uyo ushitemwa wabo ali mumfwa.