1 Yohane 2:1 - Chipangano Chabwangu

¹ Mwe bana banji, nkomulembela mfi ukuti mulokubifyapo. Lelo nga umo abifya, tulikwete kafwa utulubulwilako kuli Shifwe, ni Yesu Klistu uulungeme.

1 Yohane 2:1 ပူးပေါင်းရင်းမြစ်များ

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Yohane 10:15

Ukubati nimfilya Bata banjishiba, nandibo nalibeshiba Bata. Pamulandu ngu nalipela ubumi bwanji pamulandu wambelele.

Yohane 13:33

Mwe bana banji, tanshayikalepo nenu inshita iitali. Mwakwisa kumfwayilila, kuntu nkomweba nomba ifyo na ebele intanjishi sha Bayuda ati, ‘Mwebo tekuti muyeko uko nebo nkoya.’

Yohane 14:16

Elo nakuya kufumba Bata, epo bakoya kumupa kafwa umbi, uwakwikalilila namwe lonse.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 21:5

Elo Yesu abafumbile ati, “Mwe balumbwana, napo tamwipeyepo nangu kamo?” Balimwasukile ati, “Iyowo, tatwipeyepo nangu kamo.”

Yohane 5:14

Panuma, Yesu amusangile munanda yaku Lesa. Elo asosele kuli ye ati, “Umfwa nomba ulipolele, wibifyapo nakambi ukwebati ichintu ichikulu ichabipisha chikakuchitikila webo.”

Yohane 5:36

Nomba ndikwete bukamboni ubukulu ukuchila ubo Yohane Mubatishi amupele. Boneni nebo nkobomba imilimo iyo Bata bampele. Nji milimo eyilanga ukwebati Bata ebantumine.

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

Yohane 8:11

Naye aasukile ati, “Tapapo nangu umo mwe Bashikulu.” Naye Yesu asosele ati, “Chiweme, nandibo nshakupelepo umulandu. Koya, kuntu wibifyapo nakambi.”]

Imilimo ya batumwa 7:52

Musoseshi ndo uwo ifikolwe fyenu fitachushishe? Fyayipeye abalikubilisha ukwisa kwa Wasubwa waku Lesa. Boneni namwebo mwamupele kufipondo fyakwe nokumwipaya.

Loma 5:10

Fwebo twali utupondo utwaku Lesa, kuntu atulengele ifibusa fyakwe pamulandu wamfwa ya Mwana wakwe. Nomba ifi atulengele buchibusa na Lesa, twapulushiwa nobumi bwaku Klistu!

Loma 6:15

Mba findo nomba? Napo tutwalilile ukubifya pantu tatukotungululwapo na Mafunde kuntu ubwanshi bwaku Lesa? Nangu panini!

Loma 8:34

Mba ninani wakubalengulula? Tefyopo Klistu uwafwile, ina, tusose ukuti uyo babushishe. Engulya umumi uli kukuboko ukwamulyo kwaku Lesa akotupapatilako.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 4:19

Mwe bana banji, kubati nimfilya umwanakashi aumfwa ukufinya pakupusuka, efyo nandibo nkoumfwa ukufinya pamulandu wakumwebo ukufikila nobwina Klistu bwakuba muli mwe.

Efeso 2:18

Pakuti muli Klistu fwebo bonse, Abayuda nabenafyalo, twingafika kuli Bata mu Mupashi Wabuta umo epela.

Efeso 4:26

Ulo mukalipa, mwibifyapo. Elo akasuba kewa muli abakalipile.

1 Timoti 2:5

Pakuti kuli Lesa umo enka, nakambi kuli umo uwimakanina pakati ka Lesa nabantu. Umuntu ngu ni Klistu Yesu.

1 Timoti 3:14

Nduno ulo nkomulembela nji nkalata, ndinechichetekelo ichakwisa bwangu mukumubonapo.

Hebele 9:24

Pakuti Klistu tayinjilemo Muchifulo Ichabuta ichakulombelamo ichayimakwa nabantu ichikopashanya bwaka nechakumulu. Ye ayinjile kumulu ukwinenene ukuti nomba alokutusoselako kuli Lesa.

Yemusi 1:27

Ukulomba ukwachine nokwafikapo pamenso aku Lesa Bata ninku ukwakuti umuntu asunge banshiwa nabamukamfwilwa pakuchula kwabo, elo nokuyisunga ukutina ukwebati ububi bwapanonshi bwimukoweshapo.

Yemusi 3:9

Nikululimi kwenka eko tulumbanishishako Bashikulu na Bata. Elo nolulimi lwenka, tulatipwilako abantu abo Lesa abumbile muchimpasho chakwe.

1 Petulo 2:22

Ye tabifishepo nangula ukusosa ubufi.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Yohane 3:18

Mwe bana banji, ukutemwa kwesu takufwilepo ukuba bwaka pakanwa. Tufwile ukulanga ukutemwa kwesu munchito shesu.

1 Yohane 3:5

Mulishibile icho Klistu abonekele nimukuti atuwamye kumabifyo esu. Echo muli Ye tamupo ububi.

1 Yohane 3:7

Mwileka umuntu amubepe bana banji. Umuntu onse uuchita ifyaololoka aaba uwaololoka kubati ni Klistu.

1 Yohane 4:4

Mwe bana banji muli baku Lesa. Abasoseshi ababufi mwalibachimfya kale pakuti Umupashi uuli muli mwebo uli nefiso ukuchila uwo bakwata abamuno chalo.

1 Yohane 5:17

Pakuti ububi bonse lubembu. Lelo kuli ububi ubutatwala kumfwa.

1 Yohane 5:21

Mwe bana banji, mutalukeko kuli tungosa wakubasa.

3 Yohane 1:4

Tapapo ichinengela ukutemwa ukwinekantu ukuchila ukumfwa ati abana banji bakoyenda muchine.