1 Yohane 1:8 - Chipangano Chabwangu

⁸ Nga twasosa ukuti tatwakwatapo bubi, twayibepafye, nechine tamupo muli fwe.

1 Yohane 1:8 ပူးပေါင်းရင်းမြစ်များ

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Loma 3:10

Ukubati nimfilya Amalembo Apatulika asosa ati, “Takupo umuntu nangu umo uwalungama,

Loma 3:23

Pakuti bonse balibifya, elo bali ukutali nomuchinshi waku Lesa.

1 Kolinto 3:18

Mulokuyibepapo. Nga umuntu umbi pali mwe akoyilanguluka ukuba uwamulangwe, ukusosa pafintu ifyapanonshi, alingile ukuboneka nga uupuneme ukwebati aaluke uwamulangwe.

Galatiya 6:3

Nga chakuti umuntu akoyilanguluka ukuba akantu, elo tapapo nefyo aba, akoyipunamika enka.

1 Timoti 6:5

nokulaka inshita shonse ukufuma kubantu abo amano abo alyonayika, abatangeshibapo ifyachine. Bena balanguluka ukuti ukulomba Lesa enshila yakusangilamo ububoni.

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

Yemusi 1:22

Mwiyibepapo mwenka mukumfwa Amashiwi aku Lesa bwaka, kuntu chitenipo ifyo akososa.

Yemusi 1:26

Nga chakuti kuli umuntu uukoyilanguluka ukuti alalomba Lesa, elo tasungapo akanwa kakwe, ukulomba kwakwe kwabwaka nakambi akoyibepapo.

Yemusi 3:2

Pakuti bonse tulabifya mufintu ifinji. Nga umuntu tabifyapo mukusosa kwakwe, ekwebati ali uwalungama ukufikapo. Elo kuti asunga umubili wakwe onse.

2 Petulo 2:13

Bakonaulwa ukulingana nokubipa kwabo. Ichibawamina kusekesha imibili yabo akasuba konse. Nibamwansha nsoni, abali kubati fisemba ifikowesha. Pakuba ulo balya pamo nenu balasekelela mukuchita ifyabufi.

1 Yohane 1:10

Nga twasosa ukuti tatwabifyapo, tulalenga Lesa ukuba uwabufi, ekuti namashiwi akwe taalipo muli fwe.

1 Yohane 1:6

Nga twasosa ukuti twaba mwisenge nakwe ulo tukoyenda mumfinshi, tukoyibepa, nefyo tuchita fyabwaka.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 4:20

Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?

2 Yohane 1:2

Tukomulembela mfi pantu ichine chaba muli fwebo nakambi chakuba nafwebo inshiku shonse.

3 Yohane 1:3

Pakuti nalitemenwe ukwinekantu ulo bawesu bambi bafikile nokunjeba ukuti ubumi bobe bwaba ubwakwebesha, ukokonka nefyachine.