1 Yohane 1:7 - Chipangano Chabwangu

⁷ Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.

1 Yohane 1:7 ပူးပေါင်းရင်းမြစ်များ

Mateyo 6:12

Mutunakilileko amabifyo yesu, kubati nimfilya tunakilila bonse abatubifisha.

Yohane 1:29

Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

Yohane 12:35

Yesu abasukile ati, “Ukusanika kuli pali mwebo mukanshita kanini. Endeni mukusanika ulo muchili nako ukuti imfishi iimufimbapo, pakuti uukoyenda mumfinshi teshibapo uko akoya.

Yohane 5:4

Pakuba munshita shimbi umungelo waku Lesa alikuya muchishiba mukufundaula amenshi. Umulwele onse uwabalilapo ukuchilukila muchishiba ulo amenshi afundayikile, ewalikupola kubulwele bonse ubo ali nabo.]

Loma 13:12

Nomba ubushiku buli mupepi ukushila nakasuba kakusanika. Nomba katuleke imilimo yamumfishi, elo tupinte ifyankondo ifyamukasuba.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 5:8

Namwe kale mwali mumfinshi, kuntu nomba muli mukusanika pakusangwa ukuti muli baku Bashikulu. Nomba mwende nga bantu abayikala mukusanika.

1 Timoti 6:16

Ngu enka tafwapo iyowo, elo ayikala mulubuto ulo umuntu umbi atangapalaminako. Nakale takupo uwamubwene nowingamubonapo iyowo. Kuli Ye kube umuchinshi nefiso umuyayaya. Ameni.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Yemusi 1:17

Ichabupe chonse ichiweme nechakufikapo chifuma kumulu kuli Lesa, katala wamfilya ifisanika kumulu. Ye taalukapo, elo ukusanika kwakwe takwaalukapo kubati chimfule.

1 Petulo 1:19

Amupulwishe nomulopa uukosele umutengo. Ye balimwipeye kubati mwana wambelele uutakwetepo akasemba nangula akalema.

1 Yohane 1:3

Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

1 Yohane 1:5

Amashiwi ayo twaumfwile ku Mwana wakwe akuti Lesa lubuto. Muli Ye tamupo imfinshi iyowo.

1 Yohane 5:6

Yesu Klistu ewayishile ukupitila mumenshi aalubatisho nomulopa wamfwa yakwe. Tayishilepo mumenshi bwaka, kuntu mumenshi namumulopa wakwe. Mupashi Wabuta ekamboni pantu wachishinka.

1 Yohane 5:8

Mupashi Wabuta, amenshi nomulopa. Mfi fyonse fitupela bukamboni bumo bwenka.

2 Yohane 1:4

Nalitemenwe ukwinekantu pakusanga ukwebati abana bobe bayikala muchine, kubati nimfilya Bata batufundilepo.

3 Yohane 1:4

Tapapo ichinengela ukutemwa ukwinekantu ukuchila ukumfwa ati abana banji bakoyenda muchine.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 12:11

Bawesu balichimfishe nomulopa wa Mwana wambelele, namashiwi ayachine ayo balikubilisha. Bo baliyipele ukufikapo, ichakwebati tabali kutinapo nokufwa.

Ukufisulula 7:14

Nebo nayaswike ati, “Bashikulu mwe mwishibe nimwebo.” Elo anjebele ati, “Mba ebali mumachushi aakulu ngalya. Balichapa iminjila yabo nokuyitubisha mumulopa wa Mwana wambelele.