1 Yohane 1:6 - Chipangano Chabwangu

⁶ Nga twasosa ukuti twaba mwisenge nakwe ulo tukoyenda mumfinshi, tukoyibepa, nefyo tuchita fyabwaka.

1 Yohane 1:6 ပူးပေါင်းရင်းမြစ်များ

Mateyo 7:22

Ulo akasuba kabupingushi kakwisa, abantu abenji bakusosa kuli ne ati, ‘Shikulu, Shikulu, nimwishina lyenu umo twalikushimikila amashiwi enu. Nimwishina lyenu umo twalikutamfishamo imipashi iibi, elo nokuchitilamo ifyafiso ifikulu ifinji.’

Yohane 11:10

Nomba ukoyenda mubushiku kuti ayitutula, pakuti ali mumfinshi.”

Yohane 12:35

Yesu abasukile ati, “Ukusanika kuli pali mwebo mukanshita kanini. Endeni mukusanika ulo muchili nako ukuti imfishi iimufimbapo, pakuti uukoyenda mumfinshi teshibapo uko akoya.

Yohane 12:46

Nayisa muchalo ukuba ukusanika, ukuti onse uukochetekela muli nebo eyikalilila mumfinshi.

Yohane 8:12

Panuma Yesu asosele ku Bafalisi ati, “Nine kusanika ukusanikila bantu bamuchalo. Onse uwakunkonka akwisa kuba nokusanika ukwabumi, nakambi tayise kwendapo mumfinshi iyowo.”

Yohane 8:55

Mwebo tamwamwishibapo, kuntu nebo nalimwishiba. Nga nebo nasosa ati nshamwishibapo, kuti naba uwabufi kubati nimwe. Nomba nebo nalimwishiba nakambi ndomfwila amashiwi akwe.

1 Timoti 4:2

Imisambishishe nji ifuma kubantu abachenjela mukubepa ubufi ubo abo kampingu yabo yalyonayika kubati baochele kuchela ichikabile.

Yemusi 2:14

Mwe bawesu, nindo chikoyafwilisha nga umuntu akososa ati, “Ndi nechichetekelo,” kuntu tapapo imilimo achita? Napo ichitekelo chamfi kuti chamupulusha?

Yemusi 2:16

elo umo uwaku mwebo amweba ati, “Kabiye umutende! Mukayifwite nokulya,” ukwambula ukubapela ifyo bakokabila. Nindo chikoyafwilisha?

Yemusi 2:18

Nalimo umbi kuti asosa ati, “Webo ulikwete ichichetekelo, elo nebo ndi nemilimo iiweme.” Nebo kuti nasosa ati, “Nangako ichichetekelo chobe ichambula imilimo, kuntu nebo nemilimo yanji nkokulanga ichichetekelo chanji.”

1 Yohane 1:10

Nga twasosa ukuti tatwabifyapo, tulalenga Lesa ukuba uwabufi, ekuti namashiwi akwe taalipo muli fwe.

1 Yohane 1:3

Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

1 Yohane 1:8

Nga twasosa ukuti tatwakwatapo bubi, twayibepafye, nechine tamupo muli fwe.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 4:20

Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?