1 Yohane 1:3 - Chipangano Chabwangu

³ Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

1 Yohane 1:3 ပူးပေါင်းရင်းမြစ်များ

Yohane 17:11

Nomba nkoyisa kuli mwebo. Tanshilipo wamuno chalo iyowo, kuntu mba bamuno chalo. Bata mwe Babuta, mwishina lyenu basungeni abo mwampele ukuti bakabe umo ukubati nimfilya twaba umo.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 19:35

Umuntu uwabwene ifintu mfi ewapele bukamboni. Elo bumboni bwakwe bwakwebesha. Alishibile ukuti ukusosa kwakwe kwachine ukuti namwebo muchetekele.

Imilimo ya batumwa 13:32

Echo fwebo twishile nkuno mukubilisha Ubutumi Bwawama mbu ubwakuti ifyo Lesa alayile kufikolwe fyesu

Imilimo ya batumwa 13:41

‘Boneni, mwe bantu abamusalula! Shimbweni nokufwililila. Pakuba icho nakuchita nduno, nincho icho tamwakachetekelepo, nangu umuntu umo engamulondolwela shani!’”

Imilimo ya batumwa 2:42

Abachetekela mba balikukumana inshita shonse ukuti bomfwe ifyo abatumwa balikusambisha. Balikwikala mubwana-nkashi, balikulya nokulombela pamo.

Imilimo ya batumwa 20:27

Pantu nalimushimikila fyonse ifyo Lesa afwaya ukwambula ukushako nangu chimo.

Imilimo ya batumwa 4:20

Fwebo tekuti tulekepo ukushimikila ifintu ifyo twayibwenene nokuyumfwila.”

Loma 15:27

Batemenwe benka ukuchita mfi. Nomba wali umulimo wabo ukuchita mfi. Abayuda baakene amashuko ayabwina Klistu nabenafyalo. Echo nabo abenafyalo balinjile ukwafwilisha Abayuda kufyo babulisha.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 1:9

Lesa wachishinka. Elo Ye ewamwitile ukwebati muwikishanye pamo no Mwana wakwe Yesu Klistu, Bashikulu wesu.

1 Kolinto 15:1

Mwe bawesu, nkofwaya ukumwibukishapo Ubutumi Bwawama ubo namushimikileko. Mwali bupokelele nokwimakaninapo ndi muchichetekelo chenu.

Efeso 3:6

Ubumfisolo mbu bwakuti mu Butumi Bwawama abenafyalo nabo bapoke ishuka lyaku Lesa pamo na Bayuda. Pamo na Bayuda filewa ifyamubili umo, elo muli Klistu Yesu balapokelela pamo nabo ubulayo bwaku Lesa.

Filipi 1:7

Ndamwibukisha nokumulangulukapo bonse, pakuba efyo chilingile ukuba. Pakuti mwebo twayikatana nane mwishuko ndi Lesa ampela, ulo ndimuchifungo nolo nali mubwanalale mukuchingilila nokushininkisha Ubutumi Bwawama.

Filipi 2:1

Ubumi bwenu muli Klistu bulamukoselesha. Ukutemwa kwakwe kulamusekelesha. Muli nomutima umo mu Mupashi Wabuta. Echo mulomfwila abanenu inkumbu nechisa.

Filipi 3:10

Icho nkofwaya chakuti njishibe Klistu nefiso ifyamubushishe kubafwa. Ng’umfwe amachushi akwe nokubati ni Ye mumfwa yakwe.

Kolose 1:13

Pakuba ewatupokololako kufiso fyamfishi nokutuleta mubufumu bwa Mwana wakwe uwatemwekwa.

1 Tesalonika 1:10

Elo mukopembela ukubwela kwa Mwana wakwe ukufuma kumulu, uwo abushishe kubafwa. Ngu ni Yesu uutupulusha kubukali bwaku Lesa ubukoyisa.

1 Timoti 6:2

Abasha abatekwa kubena Klistu, belokubachushapo iyowo pantu niba wabo. Elo bapyunge ukuchilapo kale pakuti bo abakumwenamo nimbalya abachetekela, abatemwekwa kuli bo. Mfi efyo ulingile ukusambisha nokubilisha.

Hebele 2:12

Mpalya alisosele kuli Lesa ati, “Nakusosa kuli bawesu pafyo muchitile, nakumutondayisha pakati kachilonganino.”

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

2 Petulo 1:16

Fwebo tatwakonkelepo utushimi utwakupanga ulo twamwishibishe ifyafiso nokubwela kwaku Bashikulu wesu, Yesu Klistu. Twalibwenene fwebene namenso esu ubukulu bwakwe.

1 Yohane 1:1

Nkomulembela pafya ishiwi ilipela ubumi ilyaliko ukutula pakubala. Twalilyumfwa nokulibona namenso esu. Ina, twalilibona nokukumyako namaboko esu.

1 Yohane 1:5

Amashiwi ayo twaumfwile ku Mwana wakwe akuti Lesa lubuto. Muli Ye tamupo imfinshi iyowo.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.