1 Yohane 1:2 - Chipangano Chabwangu

² Ulo mbu bumi bwaboneke, twalibubwene. Nomba tulasosa pali mbu bumi butashilapo ubwali na Bata, elo bwalishibikwe kuli fwebo.

1 Yohane 1:2 ပူးပေါင်းရင်းမြစ်များ

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 1:4

Muli Ye mwali ubumi. Elo mbu bumi bwaletele kusanika kubantu.

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 15:27

Namwe mwakuba bakamboni banji pakuti mwaba nandibo ukufuma pakutatika.

Yohane 16:28

Nafumine kuli Bata, elo nalishile muchalo. Epo nkosha ichalo nokubwelela kuli Bata.”

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Yohane 19:35

Umuntu uwabwene ifintu mfi ewapele bukamboni. Elo bumboni bwakwe bwakwebesha. Alishibile ukuti ukusosa kwakwe kwachine ukuti namwebo muchetekele.

Yohane 21:14

Nji yali nomba enshita yachitatu iyo Yesu ayilangile kubakusambila panuma yakubuka kubafwa.

Yohane 3:13

Elo takupo umuntu uwanina kumulu, kuntu Umwana wa Muntu, uyo uwafumineko.”

Yohane 7:29

Nebo nalimwishiba pakuti nafumine kuli Ye nakambi ewantuma.”

Yohane 8:38

Nebo nsosa ifintu ifyo nabona kuli Bata, namwebo muchita ifintu ifyo mwaumfwa kuli bawishinwe.”

Imilimo ya batumwa 1:22

Ukutatikila kunshita Yohane alikushimika ifyalubatisho ukufikila mukasuba ako Yesu apintilwemo kumulu ukufuma pali fwebo. Ngu abe kamboni pamo nafwebo ukuti Yesu alibukile kubafwa.”

Imilimo ya batumwa 10:41

Elo tabwenekelepo kubantu bonse iyowo, kuntu kuli fwebo bakamboni abo Lesa asalile kale. Fwebo abali kulya naye ulo Lesa amubushishe kubafwa.

Imilimo ya batumwa 2:32

Lesa abushishe Yesu ngu kubafwa, nafwebo bonse tuli bakamboni pali nchi.

Imilimo ya batumwa 3:15

Echo mwayipeye umwine wabumi, kuntu Lesa amubushishe kubafwa. Elo fwebo tuli bakamboni pali ngu mulandu.

Imilimo ya batumwa 5:32

Fwebo tuli bakamboni baku mfi fintu pamo no Mupashi Wabuta uyo Lesa apela bonse abamunakila.”

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

Galatiya 4:4

Ulo inshita yafikile, Lesa alitumine umwana wakwe. Umwana ngu afyelwe kumwanakashi, afyelwe uwalingile ukulama amafunde.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

2 Timoti 1:10

Nomba Lesa alitufisulwila mfi mukwisa kwa Mupulushi wesu Klistu Yesu, engu uwachimfishe ifiso fyamfwa nokulanga ubumi butashilapo ukupitila mu Butumi Bwawama.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

1 Yohane 1:1

Nkomulembela pafya ishiwi ilipela ubumi ilyaliko ukutula pakubala. Twalilyumfwa nokulibona namenso esu. Ina, twalilibona nokukumyako namaboko esu.

1 Yohane 2:25

Nchi echo Klistu umwine alayile ukutupa, ubumi bwamuyayaya.

1 Yohane 3:5

Mulishibile icho Klistu abonekele nimukuti atuwamye kumabifyo esu. Echo muli Ye tamupo ububi.

1 Yohane 3:8

Uyo utwalilila ukubifya wakwa Satana, pantu Satana nimbifi ukutula kukutatika. Echo no Mwana waku Lesa abonekele ukuti aonaule imilimo yakwa Satana.

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.

1 Yohane 4:2

Muli nji nshila, mwakwishibilamo umuntu uwakwata Umupashi waku Lesa: onse uusuminisha ati Yesu Klistu ayishileba umuntu wine-wine, waku Lesa.

1 Yohane 5:11

Nabukamboni nimbu ubwakuti Lesa alitupa ubumi ubutashila ubutula mu Mwana wakwe.

1 Yohane 5:13

Nkolembela bonse mwe bachetekela mu Mwana waku Lesa ukuti mwishibe ati muli nobumi butashila.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.