1 Yohane 1:10 - Chipangano Chabwangu

¹⁰ Nga twasosa ukuti tatwabifyapo, tulalenga Lesa ukuba uwabufi, ekuti namashiwi akwe taalipo muli fwe.

1 Yohane 1:10 ပူးပေါင်းရင်းမြစ်များ

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

1 Yohane 1:8

Nga twasosa ukuti tatwakwatapo bubi, twayibepafye, nechine tamupo muli fwe.

1 Yohane 2:14

Nkolembela mwe bana banji, pantu mwalishiba Bata. Nkolembela mwe bashifwe, pantu muli mwishibile uyo uwabako ukufuma kukutatika. Nkolembela mwe balumbwana, pantu muli nefiso. Ishiwi lyaku Lesa likala muli mwebo, mwamuchimfya Umubi ngulya.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 4:4

Mwe bana banji muli baku Lesa. Abasoseshi ababufi mwalibachimfya kale pakuti Umupashi uuli muli mwebo uli nefiso ukuchila uwo bakwata abamuno chalo.

1 Yohane 5:10

Umuntu onse uwachetekela mu Mwana waku Lesa ewakwata bukamboni mbu. Onse uutachetekela, alenga Lesa ukuba uwabufi pantu tachetekelepo bukamboni ubo Lesa apela pa Mwana wakwe.

2 Yohane 1:2

Tukomulembela mfi pantu ichine chaba muli fwebo nakambi chakuba nafwebo inshiku shonse.