1 Yohane 1:1 - Chipangano Chabwangu

¹ Nkomulembela pafya ishiwi ilipela ubumi ilyaliko ukutula pakubala. Twalilyumfwa nokulibona namenso esu. Ina, twalilibona nokukumyako namaboko esu.

1 Yohane 1:1 ပူးပေါင်းရင်းမြစ်များ

Luka 1:2

Balilembele ifyo batwebele abantu abaliko ulo fyatatikile mfi fintu. Pakuba bo baliyibwenene namenso abo, nokubilisha nga mashiwi.

Luka 24:39

Boneni amaboko namakasa anji, nokwishiba ati ninebo nenka. Njikateni nakambi mwakwishiba, pantu ichipuku tachabapo iminofu namafupa ngefyo mubwene nkwete.”

Yohane 19:35

Umuntu uwabwene ifintu mfi ewapele bukamboni. Elo bumboni bwakwe bwakwebesha. Alishibile ukuti ukusosa kwakwe kwachine ukuti namwebo muchetekele.

Yohane 20:27

Elo asosele kuli Tomasi ati, “Bika umunwe obe mpa, lolesha nakumaboko anji wishibe ukuti ninebo. Tambulula ukuboko kobe wikate pachitumba chanji ukuti wikayikapo, kuntu uchetekele bwaka!”

Yohane 5:26

Kubati nimwenka mulya Bawishi babela entulo yabumi, mumo mwenka alimuchitile Umwana wakwe ukuba intulo yabumi.

Yohane 8:58

Elo Yesu abasukile ati, “Nachine nkomweba ati, ulo Abulahamu atalafyalwa, eko nali kale!”

Imilimo ya batumwa 1:3

Panuma yakufwa nokubuka, aliilangile kuli bo munshila shapusana-pusana. Abonekele kuli bo nokusosa nabo ifyabumi bwaku Lesa munshiku amakumi ane.

Imilimo ya batumwa 4:20

Fwebo tekuti tulekepo ukushimikila ifintu ifyo twayibwenene nokuyumfwila.”

Hebele 2:3

Nomba fwe twakupuluka shani nga tukosuula amashiwi aakulu mfi ayakutupulusha? Bashikulu abene ebatatikile ukusosa pafya kupuluka nku. Elo bo abaumfwileko amashiwi nga, balishininkisha ukuti yachine.

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.

1 Yohane 5:7

Kwaba bakamboni batatu:

Ukufisulula 1:11

Ishiwi lyasosele ati, “Ifyo ukobona ulembe mwibuku nokulituma kufilonganino mfi fisano na fibili: Ku Efeso, Simuna, Pegamamu, Tayatila, Sadisi, Filadelufiya, naku Lawodisiya.”

Ukufisulula 1:8

“Nine uwakutatikilapo nakambi uwakupelako,” efyasosa Bashikulu Lesa Uwafiso fyonse, uulipo, uwalipo nakambi uwakubapo.

Ukufisulula 19:13

Alifwite mwinjila uwayinjishiwe mumulopa. Ishina lyakwe ni, “Ishiwi lyaku Lesa.”

Ukufisulula 2:8

“Uutangilila ichilonganino chaku Simuna umulembele: “Nga mashiwi aafuma kuli uyo uuli ekutatika nokulekelesha, uyo uwafwile nomba ali nobumi.