1 Timoti 3:3 - Chipangano Chabwangu

³ Talingilepo ukuba chakolwa nangula uwalubuli, kuntu uwafuuka umutima, uwamutende, uutatemwapo indalama.

1 Timoti 3:3 ပူးပေါင်းရင်းမြစ်များ

Mateyo 21:13

Abebele ati, “Chalilembwa ukuti, ‘Inanda yanji yakwitwa inanda yakulombelemo,’ kuntu mwebo eyo mwasangula uluchengo lwabang’o.”

Imilimo ya batumwa 20:33

Tanshakumbwapo indalama nangu fyakufwala fyamuntu nangu umo iyowo.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Efeso 5:18

Mwikolwapo nawaini, pakuti mwakonaika bwaka. Nomba mwiulemo no Mupashi Wabuta.

1 Tesalonika 5:14

Mwe bawesu, tukomupapata ukuti muchenjeshe abanang’ani, mukoseleshe abena Klistu abakutintilila, mwafwilisheko abanaka. Mulokuteka umutima kubantu bonse.

1 Timoti 3:8

Abakwafwa muchilonganino nabo babe abamuchinshi, bekwatapo indimi shibili, bechishapo ukunwa ifyakukola nangula ukufwaya ukukwata ububoni mubuchenjeshi.

2 Timoti 3:2

Pakuti abantu bakuba abakwitemwa, abatemwa indalama, abakwitutumuna, abamusalula, abansele, abashumfwila abafyashi babo, abashitotela, nakambi abashilomba Lesa.

Taitasi 1:11

Ulingile ukubakanya mba ukusambilisha pakuti bekonaula ulupwa lonse ulo batandalile kukusambilisha ifintu ifyo tabalingilepo ukuti basambilishe. Bakochita mfi ukuti basangilepo ububoni.

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

Taitasi 2:3

Mumibelo imo yenka, eba abanakashi abakulu ukuti balokwikala nobumi ubwaololoka. Bebapo abalwambo nangula abasha kubwalwa, kuntu balokusambisha ifiweme.

Taitasi 3:2

Mulokubeba ukuti belokusosapo ifibi kumuntu uuli onse, kuntu ukuba abamutende nechumfwilo. Inshita shonse balokupela umuchinshi kubantu bonse.

Hebele 13:5

Mwilokutemwa indalama, kuntu sekeleleni kufyo mukwete. Pakuti Lesa asosele ati, “Nshakamushepo nangula ukumulekelesha iyowo.”

Yemusi 4:1

Kanshi inkondo nokutalikana pakati kenu fifuma kwisa? Napo tafifumapo kulunkumbwa ulwabuntunse bwenu ulukochita inkondo muli mwe?

1 Petulo 5:2

Beni bachembela bambelele shaku Lesa isho amupela. Tekumupatikishapo iyowo, kuntu mukutemwa kwenu, ngomo Lesa afwayila. Mwilokupyunga ngu mulimo pamulandu wakunonkelamo ububoni, kuntu nomutima uufwayilisha ukupyunga.

2 Petulo 2:3

Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.

Yuda 1:11

Mba bantu bamalosa! Bakoenda munshila yakwa Kaini. Elo bayiposa mukuluba pamulandu wandalama shakufusha, nga mfilya fyachitile Balaamu. Bali nokonaulwa pamulandu wakwalukila Lesa fyenka kubati nimfilya achitile Kola.

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.