1 Timoti 2:3 - Chipangano Chabwangu

³ Mfi fyonse fiweme nakambi filasekesha Lesa Umupulushi wesu,

1 Timoti 2:3 ပူးပေါင်းရင်းမြစ်များ

Luka 1:47

ndatondayisha shikulu elo ndi wasekelela, muli Lesa Umupulushi wanji.

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 4:18

Nalifipoka fyonse, elo nafifula. Nalikwata fyonse ifyo nkabila nomba pakuti napokelela kuli Epafuloditasi ifyabupe ifyo mwantumine. Fili kubati ipupo ilyabwema ubwanunkila, kubati ipupo ilyo Lesa apokelela, ilimusekesha.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

1 Timoti 1:1

Nine Paulo umutumwa waku Klistu, nga mfilya asosele Lesa, Umupulushi wesu namuli Klistu uutupela ukulolela kwesu.

1 Timoti 4:10

Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.

1 Timoti 5:4

Nomba ichokolo nga chili nabana nangula abeshikulu, abantu mba balingile ukusambilila imilimo yaku Lesa kunanda yabafyashi babo. Pakuchita mfi bakubwesha abafyashi babo ifyo bapokelele ukufuma kuli bo. Pakuti mfi efisekesha Lesa.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

Hebele 13:16

Mwilokulabukilapo ukuchita ifiweme nokwafwilishanya pakuti mfi efipupo ifisekesha Lesa.

1 Petulo 2:20

Mba chilambu ndo mungabwenamo kati bakomupama pamulandu wakubifya kwenu? Nomba nga mukoshipikisha ukupamwa pakuti mwachita ichiweme, ekwebati mwachita ichisekesha Lesa.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.