1 Timoti 1:3 - Chipangano Chabwangu

³ Kubati nimfiya nakwebele ulo nalikuya ku Masedoniya, wikale mu Efeso nokukanya abo abakosambisha ifyabufi.

1 Timoti 1:3 ပူးပေါင်းရင်းမြစ်များ

Imilimo ya batumwa 18:19

Ulo bafikile kumushi wa Efeso, Paulo ashile Pulisila na Akwila. Ye ayinjile munanda yakulombelamo Lesa, nokusosa na Bayuda.

Imilimo ya batumwa 18:21

Ulo alikubalaya, abebele bwaka ati, “Nakubwela nakambi kuli mwebo nga kufwaya kwaku Lesa.” Elo afumineko ku Efeso mubwato.

Loma 15:26

Pakuti abamufilonganino ifyaku Masedoniya na Akaya chalibawamine ukupela ifyabupe ukuti bafwilishe abachushi pakati kabantu baku Lesa abaku Yelusalemu.

Loma 16:17

Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

2 Kolinto 11:4

Nga umbi ayisa kubilisha Yesu umbi uwapusana nangulya twabilishe, mwebo mulakonka. Elo mulapokelela umupashi nobutumi bumbi ubwapusana no Mupashi Wabuta no Butumi Bwawama ubo mwapokelele kuli fwe!

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

Filipi 2:24

Nkochetekela muli Bashikulu ukwebati bwangu-bwangu nandibo nakwisa kuli mwe.

1 Timoti 4:11

Ubakonkobeshe nokubasambisha amashiwi nga.

1 Timoti 4:6

Nga wasambisha bawesu ifintu mfi, wakuba umupyungi uuweme uwaku Klistu Yesu, uwakulila mumashiwi achichetekelo chesu, ekusambisha ifyachine ifyo wakonka.

1 Timoti 5:7

Ubapele nga mafunde pakuti bekwatapo akalema mumitima yabo.

1 Timoti 6:10

Pakuti ukutemwa indalama entulo yabubi bonse. Pamulandu wakutemwesha indalama abantu bambi bafumamo munshila iyachichetekelo, elo ifyakufinya ifinji fyabepaya.

1 Timoti 6:17

Ubebe ababuboni panonshi ukuti tabalingile ukuyitutumuna nangula ukuchetekela pabuboni bwabo ubutekalililapo. Nomba balingile ukuchetekela kuli Lesa uyo uutupela ifintu fyonse ukuti tusekele nafyo.

1 Timoti 6:3

Umuntu onse uukosambisha ifipusene namfi wakuyitutumuna. Tasuminapo mumashiwi akwebesha aku Bashikulu Yesu Klistu nefyakusambilila ifyakuchinshika Lesa.

2 Timoti 1:18

Bashikulu bamusuminishe ukuti apokelele inkumbu kuli Lesa pabushiku bwabupingushi. Walishiba bwino ukuti alingafwilishe ukwinekantu ku Efeso.

2 Yohane 1:7

Pakuti ababufi abenji balisalangene mpanga yonse, abo abatachetekela ukuti Yesu Klistu ayishileba umuntu wine-wine. Umuntu onse uukokana mfi wabufi, nakambi chipondo chaku Klistu.

Ukufisulula 2:14

Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.

Ukufisulula 2:20

Nomba ndikwete umulandu umo nawebo uwakuti ulalekelela umwanakashi Yesebelo usosa ati musoseshi waku Lesa. Ye alabepa abapyungi banji ukuti bachite ubulale-lale nokulya ifyakulya bapupila tungosa wakubasa.