1 Timoti 1:2 - Chipangano Chabwangu

² Nkokulembela webo Timoti mwana wanji uwakwebesha muchichetekelo. Lesa Bata na Klistu Yesu Bashikulu wesu bakupele ubwanshi, inkumbu, elo nomutende.

1 Timoti 1:2 ပူးပေါင်းရင်းမြစ်များ

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Galatiya 1:3

Lesa Bata na Yesu Klistu Shikulu wesu bamupele ubwanshi nomutende.

1 Tesalonika 3:2

Emulandu wine twatumine Timoti, wesu nakambi umubomfi munesu uubilisha Ubutumi Bwawama ubusosa ifyaku Klistu. Twamutumine ukuti ese mukumukoselesha nokumwafwilishako muchichetekelo chenu.

1 Timoti 1:12

Nkototela Klistu Yesu Bashikulu wesu abo abampela ifiso, pakuti banangulukile ukuba wachine nokunsota ukuti ndokumupyungila.

1 Timoti 1:18

We mwana wanji Timoti nkokukonkobesha ukusunga amashiwi nga ukulingana namashiwi abasoseshi awo basosele akale ifyaku webo. Amashiwi nga abe akukwafwako mukulwa inkondo iiweme.

1 Timoti 6:20

Timoti, usunge fyonse ifyo wapelwa. Ushe amashiwi akulakaika bwaka, ayo atapelapo umuchinshi kuli Lesa, namashiwi akutalikana awo abantu abapuneme beba ati yamano.

2 Timoti 1:2

Nkolembela webo Timoti, mwana wanji uwatemwekwa. Lesa Bata na Klistu Bashikulu wesu bakukwatile ubwanshi, inkumbu nomutende.

2 Timoti 2:1

Nomba webo mwana wanji, shipa mubwanshi ubo twakwata muli Klistu Yesu.

Taitasi 1:4

Kalata nji nkolembela webo Taitasi mwana wanji pamulandu wachichetekelo icho fwebo babili tuli nacho. Lesa Bata pamo na Klistu Yesu Umupulushi wesu bakupele ubwanshi nomutende.

Taitasi 2:2

Eba abalalume abakulu ukuti babe abateka imitima, abakwilama abene, abamano mubuchetekelo, mukutemwa namukushipikisha.

Taitasi 3:15

Bonse abo tuli nabo balemuposha umutende. Baposhe umutende bawesu bonse muchichetekelo. Ubwanshi bwaku Lesa bube namwebo bonse.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

2 Yohane 1:3

Lesa Bata na Yesu Klistu Umwana wabo batupele ubwanshi, ichisa nomutende. Mfi fibe nafwebo muchine namukutemwa.

3 Yohane 1:4

Tapapo ichinengela ukutemwa ukwinekantu ukuchila ukumfwa ati abana banji bakoyenda muchine.

Yuda 1:2

Nkolomba ukwebati Lesa amukwatile ichisa, umutende nokutemwa apakulu.