1 Tesalonika 5:3 - Chipangano Chabwangu

³ Ulo abantu bakasosa ati, “Ifintu fyonse fili tondolo,” eli mukwangufyanya ubonaushi bwakwisa pali bo. Bwakwisa kubati kufinya kwamwanakashi pakupusuka, nabantu tabakabutukepo.

1 Tesalonika 5:3 ပူးပေါင်းရင်းမြစ်များ

Mateyo 23:33

Mwe nsoka, mwe bana bafipili, kanshi mukaya kupuluka shani kubupingushi bwakuposwa mumulilo utashimapo!

Yohane 16:21

Ulo umwanakashi alimupepi nokupapa, alalanguluka pakuti inshita yakwe iyakupola yapalamina. Nomba ulo apapa, takoyibukishapo nakambi ukuchula kwakwe, pakuba alasekelela ukuti umwana afyalwa muchalo.

Imilimo ya batumwa 13:41

‘Boneni, mwe bantu abamusalula! Shimbweni nokufwililila. Pakuba icho nakuchita nduno, nincho icho tamwakachetekelepo, nangu umuntu umo engamulondolwela shani!’”

2 Tesalonika 1:9

Ukulandulwa kwabo kwakuti bakonaulwa umuyayaya. Tabakabonepo ichinso chaku Bashikulu nangu ubuleme bwabo nakambi iyowo.

Hebele 12:23

Mwafika kuchilonganino ichansansa uko balongene abana baku Lesa ababeli, bo amashina yabo yalembwa kumulu. Mwafika kuli Lesa kapingula wabantu bonse, ukwaba imipashi yabantu abo Lesa alungamikile nakambi bali abafikapo.

Hebele 2:3

Nomba fwe twakupuluka shani nga tukosuula amashiwi aakulu mfi ayakutupulusha? Bashikulu abene ebatatikile ukusosa pafya kupuluka nku. Elo bo abaumfwileko amashiwi nga, balishininkisha ukuti yachine.

2 Petulo 2:4

Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.