1 Tesalonika 4:3 - Chipangano Chabwangu

³ Icho Lesa akofwaya chakuti mube ababuta mumitima yenu. Emukuti mufume kubulale-lale.

1 Tesalonika 4:3 ပူးပေါင်းရင်းမြစ်များ

Mateyo 12:50

Pakuti umuntu uuli onse uuchita ififwaya Bata bakumulu, ewesu, enkashi nakambi ebama.”

Mateyo 15:19

Pantu mumutima emufuma amalangulushi aabi: ukwipaya, ubuchende, nokuchita ifintu ifyabipa, ukwiba, ubufi, nokwamba abanabo.

Mateyo 5:32

Nomba nkomweba ati, onse uubenga umukashi wakwe pamulandu uutali wabuchende, akomulengela ukuchita ubuchende ngulya mwanakashi. Elo umwalalume uwakumupa umwanakashi wabengelwe ngu, naye achita ubuchende.

Mateyo 7:21

“Te bonsepo abanjita ati, ‘Shikulu, Shikulu’ bakwinjila mubufumu bwakumulu, kuntu bo abachita ukufwaya kwaku Bata abali kumulu.

Maliko 3:35

Pakuti onse uuchita ukufwaya kwaku Lesa, ewesu, enkashi, nabama.”

Yohane 4:34

Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

Yohane 7:17

Umuntu onse uukofwayisha ukuchita ifyo Lesa afwaya, ewakwisa kwishiba ifyo nkosambisha nga fyafuma kuli Lesa nangula nkoyisosela nemwine.

Imilimo ya batumwa 15:20

Tulingile ukubalembela bwaka kalata uwakwebati belokulyako ifitasangululwa ifyo abantu bakopupila tungosa wakubasa nokuti belokuchita ubuchende, belokulyako nenama iyo bapotwele pamukoshi nangula umulopa.

Imilimo ya batumwa 15:29

Mulokulyako inama iyo abantu bakopupila kutungosa wakubasa, mulokulyako mulopa, mulokulyako inama iyo bapotwele pamukoshi, nakambi mulokuchitapo ubuchende. Amukolama nga mafunde mukochita bwino. Shalenipo umutende.”

Imilimo ya batumwa 20:32

“Nomba namupela kuli Lesa nakumashiwi aasosa ubwanshi bwakwe. Ye ukuti amukoselesha nokumushukisha kuli fyonse ifyo Lesa ateyanishisha abantu bakwe.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 1:29

Imitima yabo yayiwilemo ubusali bonse: ububi, bukabundulu, imibele iibi, mufimbila, bukepaya, ulubo, ubuchenjeshi nolupato. Balamba,

Loma 12:2

Mwiitumpamo mubwikashi bwapanonshi, kuntu lekeni Lesa amupilibule nokumupela ubumi bwabwangu. Elo mwakwishiba ubufwayo bwakwe, ifiweme, ifyalungama nefimusekesha Lesa.

Loma 6:22

Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 7:2

Nomba pamulandu wakutina ubuchende, umwalalume onse abe nomukashi wakwe, nomwanakashi naye abe nomulume wakwe.

2 Kolinto 12:21

Nkotina ukuti nga nayisa nakambi kuli mwe, Lesa wanji kuti amfwisha nsoni pamenso enu. Elo nande nakulila imisonshi pamulandu waku bo ababifishe kale, elo tabalapile pabusali bachitile: Ubuchende bwabo nefibi fyonse ifyo balikuchita.

Galatiya 5:19

Ifichita imibele yenu iyabuntunse filaboneka apatubile tuutu. Nimfi: ubuchende, ubusali, ukutayilama,

Efeso 5:17

Echo mwibapo abapuneme, kuntu mwishibe ifyo Bashikulu bafwaya ukuti muchite.

Efeso 6:6

Mulokuchitapo bwaka ulo bakomulondapo, kubati mukofwaya ukusekesha abantu. Nomba nga abasha baku Klistu, muchite nomutima onse ifyo Lesa afwaya.

Kolose 1:9

Pali nchi, nafwebo, ukutatika nkalya kasuba twaumfwile, tatwalekapo ukumulombela. Tulalomba Lesa ukuti amwiushe amano nomulangwe ifyo Mupashi Wabuta apela ukwebati mumfwikishe fyonse ifyo Ye afwaya.

Kolose 3:5

Ala, lekeni ukwikala kwenu ukwabuntunse: ubulale-lale, ubuchende, ulwinso ulubi nolunkumbwa ulwabipa. Pakuti ulunkumbwa emusango umo uwakulomba tungosa wakubasa.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

1 Tesalonika 4:2

Pakuti mulishibile ifilangililo twamupele ifyafumine kuli Bashikulu Yesu.

1 Tesalonika 4:4

Umuntu onse muli mwebo eshibe umwakwikalila nomukashi wakwe, munshila iiweme nakambi iyamuchinshi.

1 Tesalonika 5:18

Mulokutotela lonse. Mfi efyo Lesa akofwaya ukuti muchite muli Klistu Yesu.

1 Tesalonika 5:23

Lesa umwine, uutupela umutende, amulenge ukuba abantu bakwe abenenene. Amulenge abafikapo mumupashi, mumitima nakambi mumibili yenu ukuti mwikaba nakalema ulo bakwisa Bashikulu Yesu Klistu.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 10:36

Mulingile ukushipa mukuchita ifikofwaya Lesa ukuti mukapokelele ifyo alayile.

Hebele 12:16

Chenjeleni ukuti kwibapo nangu umo uwakuba uwabulale-lale, nangula abakusuula ifyaku Lesa kubati ni Esau, uyo washitishe ububele bwakwe nechakulya chimo bwaka.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

Hebele 13:4

Ichupo mulokuchichinshika, abalume nabanakashi babo balokuchetekelana pakuti ababulale-lale nababuchende Lesa akabapingula.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

1 Petulo 4:2

Echo ulo muchili nobumi panonshi, tamwakonkepo ukufwaya kwabuntunse, kuntu ukufwaya kwaku Lesa.

1 Yohane 2:17

Ichalo nafyonse ifyabamo ifyo bantu bakumbwa fyakupita, lelo umuntu uuchita ubufwayo bwaku Lesa ekalilila umuyayaya.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.