1 Tesalonika 1:3 - Chipangano Chabwangu

³ Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

1 Tesalonika 1:3 ပူးပေါင်းရင်းမြစ်များ

Yohane 14:15

“Nga mwalintemwa mwakulama amafunde anji.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Imilimo ya batumwa 10:31

Elo asosele ati, ‘Koneliyasi! Lesa alyumfwile ukulomba kobe nemilimo yobe iyakwafwilisha iyo ukochita.

Imilimo ya batumwa 3:19

Kanshi nomba lapileni, mwalukile kuli Lesa ukuti afute amabifyo enu. Elo Lesa akumupa ifiso fyabwangu inshita nenshita.

Loma 12:12

Mulokusekelela mukulolela kwenu. Shipikisheni munshita shamachushi. Elo mulokulomba lonse.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 15:4

Fyonse ifyalembwa mu Malembo fyalembelwe ukutusambisha fwebo. Nga Amalembo akotusambisha ukuteka umutima ukwebati tube ukulolela nokukoseleshiwa ukwakufikapo.

Loma 16:26

Nomba ichine nchi chalifisululwa ukupitila kufyo abasoseshi balembele. Elo ukupitila nefyo akonkobeshe Lesa uwamuyayaya nokufyumfwila.

Loma 16:6

Muposhe umutende Maliya uyo uwamupyungila ukwinekantu.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

1 Kolinto 13:13

Pakuba pali ifintu fitatu: ichichetekelo, ukulindilila nechitemweko. Nomba muli mfi, ichikulu ukuchilapo kutemwa.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Galatiya 6:9

Echo twinakapo ukuchita ifiweme pakuti panshita iilingile twakusepa nga tatunakilepo.

1 Tesalonika 3:6

Nomba Timoti alibwela nkuno. Alitushimikilako amashiwi aaweme aachichetekelo nokutemwa kwenu. Alitushimikila ukuti mukutemwa kwenu mulatwibukisha nokufwaya ukutubona kubati nimfilya tukofwaya ukumubona nafwe.

2 Tesalonika 1:11

Ngu emulandu twamulombelako kuli Lesa ukuti mube abalinga mubwite bwenu. Elo tukolomba ukuti, mufiso fyakwe, amukoseleshe ukuchita ifiweme fyonse ifyo mukokabila ukuchita muchichetekelo chenu.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

1 Timoti 1:14

Echo ubwanshi bwaku Bashikulu ubwinji bwalishile pali nebo. Alimpele ichichetekelo nokutemwa ifyo tukwete ukupitila muli Klistu Yesu.

1 Timoti 2:3

Mfi fyonse fiweme nakambi filasekesha Lesa Umupulushi wesu,

Hebele 10:36

Mulingile ukushipa mukuchita ifikofwaya Lesa ukuti mukapokelele ifyo alayile.

Hebele 11:17

Muchichetekelo Abulahamu ali nokupela Isake nge chipupo ulo Lesa amweseshe. Nangu ali muntu uwo Lesa alayile, kuntu aliyipeleshe ukuti apele ichipupo umwana wakwe umo enka.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

Hebele 4:11

Tweshe nomba ukupokelela ukutusha nku, ukutina ukuti nalimo umo kuti afilwa ukwinjila mukutusha nku pamulandu wakutachetekela.

Hebele 6:15

Elo Abulahamu alilindile mukutekanya. Echo alipokelele ifyo Lesa amulayile.

1 Petulo 3:4

Nomba ukuyiwamisha kwenu kube ukwamumutima mukati, ukuwamya ukutashilapo ukwamutima-nteka nowatalala. Ubumi bwamfi bwalichindama kumenso aku Lesa.

1 Yohane 3:18

Mwe bana banji, ukutemwa kwesu takufwilepo ukuba bwaka pakanwa. Tufwile ukulanga ukutemwa kwesu munchito shesu.

1 Yohane 3:21

Mwe batemwekwa banji, nga kampingu wesu tatushininapo, teti tukwate umwenso pachinso chaku Lesa.

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.

1 Yohane 5:3

Pakuti ukutemwa Lesa kulama amafunde akwe, namafunde akwe tayakoselepo iyowo.

Ukufisulula 2:19

Ye akoti, Imilimo yobe yonse nalishiba. Nalishiba nokutemwa kobe, ukuchetekela kobe, ukupyunga kobe nokushipikisha kobe. Nalishiba ukuti ukupyunga kobe nomba kwachila ifyo walikupyunga pakutatika.

Ukufisulula 3:10

Pakuti walilama amashiwi anji nokushipikisha, nandibo nakukusunga panshita iyamafya ayo ayakwisa pabantu bonse pachalo ukuti beshekwe.