1 Petulo 5:5 - Chipangano Chabwangu

⁵ Namwebo mwe balumbwana mulokumfwila abakulu. Elo bonse mube abayipekanya ukupyungilana mukuyichefya. Amalembo asosa ati, “Lesa alatalika abayikusha, kuntu alapela ubwanshi kubayichefya.”

1 Petulo 5:5 ပူးပေါင်းရင်းမြစ်များ

Luka 22:26

Nomba nji tenshilapo chingabelamo nakuli mwebo. Echo umukulu mukati kenu alingile ukuba nga mwayiche, nomutanjishi alinga ukuba nga umupyungi.

Loma 12:10

Mutemwane ukwinekantu mubuwenu. Mupelane umuchinshi.

Loma 13:14

Kamushe ifyabuntunse nefibi fyachiko. Elo Shikulu Yesu Klistu abe ichilwanyo chenu.

Efeso 5:21

Pakuti mulatina Klistu, mulokumfwana umo nomunakwe.

Filipi 2:3

Mwilokuchitapo chintu nomutima uwakuyitemwa nangu uwakuyitutumuna iyowo. Beni abakuyichefya kuli umo nomunakwe. Elo uuli onse abone abanakwe nga abamuchilile.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

1 Timoti 5:1

Wilokukalipilapo umuntu umukulu, kuntu ulabile nakwe kubati nibawiso. Abalumbwana nabo ulokubachita kubati nibawenu.

Hebele 13:17

Mulokumfwila intungulushi shenu nokushikonka. Pakuti ebaletangata ubumi bwenu ukwambula ukutusha, elo bakolindila ukufisulula ifyamilimo yabo pamenso yaku Lesa. Nga mwabomfwila, bakulapyunga imilimo yabo nokusekelela. Nga tamuchitilepo mfi, bakupyunga nensoni. Elo nchi tachakamwafwepo.

Yemusi 4:6

Nomba alatukwatila ubwanshi ukwinekantu. Echo Amalembo asosa ati, “Lesa alatalika abayikusha, kuntu alakwatila ubwanshi abafuuka.”

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.

1 Petulo 4:1

Kubati nimfilya Klistu achulile mumubili, namwebo muyikoseleshe namalangulushi enka ngalya. Pakuba uuchula mumubili wakwe ekwebati alekana namabifyo.

1 Petulo 4:5

Mba bantu bakwisa londolola benka umulandu wabo kuli Lesa, uwayipekanya ukulubulwisha abomi nabafwa.