1 Petulo 5:10 - Chipangano Chabwangu

¹⁰ Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

1 Petulo 5:10 ပူးပေါင်းရင်းမြစ်များ

Luka 22:32

Nomba we Simoni nakulombela ukwebati ukuchetekela kobe kwibwelelapo kunuma. Ulo wakubwelela kuli nebo, ulingile ukukosha bawenu.”

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 15:5

Nomba Lesa uwafwilisha abantu ukuti bateke imitima nokushipikisha, amukoshe mwebo mukwikatana nku mukukonka imibele yaku Klistu Yesu.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

Loma 9:11

Nangu ulo bampundu mba tabalafyalwa, ekwebati tabalachitapo ichiweme nangu ichibi ichili chonse, Lesa apekenye ukuti ukusalwa kwamwayiche kufikilishiwe.

Loma 9:24

Nifwe abo Lesa ayitile, tekufumapo ku Bayuda benka iyowo, kuntu nakubenafyalo.

1 Kolinto 1:10

Mwe bawesu nkomupapata, mwishina lyaku Bashikulu Yesu Klistu ukuti mulokumfwanina pamo bonse. Pelokubapo ukupatukana pakati kenu, kuntu mulokumfwana nomutima umo, elo necho mufwaya.

1 Kolinto 1:9

Lesa wachishinka. Elo Ye ewamwitile ukwebati muwikishanye pamo no Mwana wakwe Yesu Klistu, Bashikulu wesu.

2 Kolinto 13:11

Echo mwe bawesu, shalenipo umutende. Mweshe ukuba abafikapo, nakilileni kufyo nkomweba, mulokumfwana, elo mwikale mumutende. Elo na Lesa uwakutemwa nomutende akuba namwe.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Filipi 4:13

Ningachita ichili chonse pakuti Klistu eumpela ifiso.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

2 Tesalonika 2:14

Lesa amwitile kuli nchi ukupitila mu Butumi Bwawama ubo twamusambishe ukuti mukwate ubuleme bwaku Bashikulufwe Yesu Klistu.

2 Tesalonika 2:17

bamukoseleshe ukuti mulokusosa nokuchita ifintu ifiweme.

2 Tesalonika 3:3

Nomba Bashikulu bachishinka, bakulamukoselesha nokumuchingilila kuli njilya mbifi.

1 Timoti 6:12

Ulokulwa bwino inkondo iyakusunga ichichetekelo ukufikila ukapokelele ubumi butapwa. Pantu efyo Lesa akwitile ulo wasuminine palwalala ifyachichetekelo chobe nabantu bonse balikumfwa.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

Hebele 9:15

Pamulandu wamfi Klistu ekapekanya wachipangano chabwangu ukuti abo Lesa ayita bapokelele ishuko ilitashilapo ilyo Lesa alayile. Fyali mfi pamulandu wamfwa yaku Klistu, iipulusha abantu kumabifyo ayo balikuchita ulo bali muchipangano ichakale.

1 Petulo 1:15

Kubati nimfilya ali Uwabuta ngulya uwamwitile, namwe mube fyenka mfilya.

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

2 Petulo 1:3

Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

1 Yohane 2:25

Nchi echo Klistu umwine alayile ukutupa, ubumi bwamuyayaya.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.