1 Petulo 4:18 - Chipangano Chabwangu

¹⁸ Amalembo asosa ati, “Nga chakuti abalungama bakupuluka mukuchuchutika, mba kumbifi ishitomfwilapo ifyaku Lesa chakuba shani?”

1 Petulo 4:18 ပူးပေါင်းရင်းမြစ်များ

Luka 15:1

Akasuba kamo bakasonkesha abenji nembifi bayishile mukumfwa kuli Yesu.

Luka 23:31

Kati mfi fikochitika kuchiti ichibishi, mba kwakwisa kuba shani kuchauma?”

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Imilimo ya batumwa 27:24

nokunjeba ati, ‘Paulo, witina! Pantu uli nokuya kwimakana pachinso chakwa kateka mukulu waku Loma. Nakambi Lesa naye, kuchisa chakwe, alikupele ubumi bwaku mba bonse abo uli nabo mulwendo ndu.’

Imilimo ya batumwa 27:31

Nomba Paulo aebele umukulu wabashilikali nabashilikali abene ati, “Kati mba ababwensha ubwato bafumemo muno, tekuti mupuluke.”

Loma 1:18

Ubukali bwaku Lesa bukofisuluka ukufuma kumulu. Akokalipila abantu pamulandu wakubifya kwabo nokutamuchinshika. Mukubifya kwabo, bashimayisha ichine ukwebati chiyishibikwapo.

Loma 5:6

Ulo tatwakwete uwakutwafwa, panshita yalinga, Yesu alitufwilile fwe mbifi.

Loma 5:8

Nomba Lesa alitulanga ifyo atutemwa ichakuti ulo twali mbifi Klistu atufwilile.

1 Kolinto 10:12

Nomba onse uwilangulukila ukuti alimakana ndi achenjele pakuti ewapo.

1 Timoti 1:9

Tulingile ukwibukisha ukuti amafunde taapangilwa pabantu abaololoka, kuntu bampula-mafunde, notupondo, abatachetekelapo Lesa, imbifi, abatalombapo, abepaya bawishibo nabanyinabo, elo nabantu bambi.

Hebele 4:1

Ubulayo bwaku Lesa ubwakuti tukaya mukutusha uko atupekanishisha, epo kwaba. Nomba tuchenjele ukuti kwibapo umbi muli mwebo uukafilwa ukwinjilamo.

Yemusi 5:6

Mwapingula umulandu nokwipaya abantu abatakwetepo umulandu, abatamutalikilepo iyowo.

1 Petulo 5:8

Mulokutekanya nokuba abayibukila, pakuti akapondo kenu Satana akoyendauka uku nauku nge nkalamo ibuluma iikofwaya uwakwikata.

2 Petulo 3:7

Nomba Lesa namashiwi enka nga, asunga iwulu nechalo ifyo tubona nduno ukwebati akafyoche kumulilo. Alifisunga ukufikila pakasuba ako akupingula nokonaula abantu abatachetekela.

Yuda 1:15

Akwisa kupingula nokubachinka panshi bonse abatomfwila Lesa pamulandu wabubi bonse ubo bachitile. Akwisa kubachinka panshi napamashiwi onse amisula awo imbifi shalikusalula Lesa.”