1 Petulo 4:17 - Chipangano Chabwangu

¹⁷ Nomba inshita yafika iyakuti Lesa apingule abantu bakwe. Nga ukupingulwa kwakutatikila pabantu bakwe, mba chakuba shani kuli bo abatomfwa Ubutumi Bwawama bwaku Lesa?

1 Petulo 4:17 ပူးပေါင်းရင်းမြစ်များ

Luka 23:31

Kati mfi fikochitika kuchiti ichibishi, mba kwakwisa kuba shani kuchauma?”

Loma 1:1

Nine Paulo, umupyungi waku Klistu Yesu. Lesa alinjitile ukuti mbe umutumwa. Alinsalile ukwebati mbilishe Ubutumi bwakwe Bwawama.

Loma 2:9

Amachushi nokufinya fyakwisa pali bonse abachita ifibi, ukwambila ku Bayuda, elo nakubenafyalo.

Galatiya 3:1

Mwe abena Galatiya bapuneme! Mba nibani abamulowele? Ulo twamusambishe ifyaku Yesu Klistu, twalondolwele bwino-bwino ifyo bamusamikile pamutashi.

Galatiya 5:7

Mwalikubutuka bwino ulubilo mukuchimfyanya kwenu. Mba wamuleseshe ninani ukwebati mwilokumfwa ichine?

Galatiya 6:10

Echo ulo tulineshuko, lekeni tuchite ifiweme kubantu bonse, ukuchilapo kuli bawesu mbalya abachetekela.

2 Tesalonika 1:8

Akwisa nolubembela lwamulilo mukulanga bonse bankoma-matwi abakana Lesa nokusuula Ubutumi Bwawama ubusosa ifyaku Bashikulu Yesu.

1 Timoti 3:15

Nomba nga nachelwa ukwisa, ifyo nalemba muli kalata nji fyakukutangilila ifyo abantu balingile ukwikala munanda yaku Lesa umumi. Chilonganino eling’umba nomufula uwafyachine ifyaku Lesa.

Hebele 11:8

Muchichetekelo Abulahamu alyumfwile ulo Lesa amwitile ukuti aye kuchalo chimbi icho amulayile ukuti akumupela. Alifuminemo kuchalo chakwe nangu tayishibilepo uko alikuya.

Hebele 2:2

Amashiwi ayo Lesa asosele ukupitila mubangelo ali ayachine. Echo umuntu onse uutachetekelepo alipelwa umulandu uumulingile.

Hebele 2:4

Lesa naye alikushininkisha bukamboni bwabo ukupitila mukuchita ifintu ifikulu nefyakushimbwisha ifipusene-pusene. Elo alibaakenye ifyabupe ifya Mupashi Wabuta ukulingana nokufwaya kwakwe.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Petulo 2:8

Amalembo asosa nakambi ati, “Elyayishile kuba libwe lyakuyitutulako, ilyakuwisha abantu.” Balayitutulako pantu tabomfwila Amashiwi aku Lesa nga mfilya Lesa umwine apingwile kabela.