1 Petulo 4:14 - Chipangano Chabwangu

¹⁴ Abantu kati bakomuchusha pamulandu weshina lyaku Klistu, ekwebati mwalishuka, pantu Umupashi wamuchinshi, Mupashi waku Lesa, walikala pali mwe.

1 Petulo 4:14 ပူးပေါင်းရင်းမြစ်များ

Mateyo 5:11

“Mwalishuka mwebo ulo abantu bakomusuula, bakomuchusha, bakomweba ifibi fyonse nokumubepesha ubufi pamulandu wanji.

Mateyo 5:16

Efyo bwenesheni ukusanika kwenu pamenso abantu ukuti babone imilimo yenu iiweme, ukwebati bachinshike Bashinwe bamumulu.

Luka 6:22

“Mwalishuka mwebo ulo abantu bakomupata nokumusula, bakomutuka nokumweba ati muli babi pamulandu wa Mwana wa Muntu!

Yohane 15:21

Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.

Yohane 8:48

Abayuda bafumbile Yesu ati, “Napo tatulungikilepo ulo tweba ati, ‘Uli mwina Samaliya nakambi mwaliba umupashi uubi muli we?’”

Yohane 9:28

Bo balimwebawile nokuti, “Webo uli wakusambila waku ngulya muntu, kuntu fwebo tuli bakusambila bakwa Mosesi.

Yohane 9:34

Balimwasukile ati, “Webo wafyalilwe nokulelwa mububi, epo kanshi ukofwaya ukutusambisha?” Elo balimutamfishe kunse yananda yakulombelamo Lesa.

Imilimo ya batumwa 13:45

Nomba Abayuda pakubona ubwinji bwabantu, bayiketwe ubufuba. Batatikile ukutalikana pafintu Paulo alikumusosapo nokumutuka.

Imilimo ya batumwa 18:6

Ulo balikutalikana nokusosa ifibi pali ye, Paulo alangile ukutomfwana nabo ukupitila mukubakuntila ulukungu ukufuma kufyakufwala fyakwe nokuti, “Ala, mwayipaya mwebo mwenka! Nebo nshikwetepo umulandu iyowo. Ukutula nomba nakushimikila abenafyalo.”

Imilimo ya batumwa 28:22

Elo tukofwaya ukuyumfwila kufyo ukolanguluka. Pakuba fwebo tulishibile ukuti konse-konse bwaka abantu basosa ifyabipa pebumba ndi webo wabamo.”

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

2 Kolinto 12:10

Echo ndasekelela ulo ndiwanaka, abantu bakontuka, bakomfinya, nolo nkoumfwa ukutinya namafya onse pamulandu waku Klistu. Pakuba ulo ndiwanaka, elo ndi nefiso.

2 Kolinto 4:10

Inshita shonse twenda nemfwa yaku Yesu mumibili yesu ukwebati ubumi bwakwe buboneke mumibili yesu.

2 Kolinto 4:16

Echo tatutomposha umutima. Nangu imibili yesu ikoba yanaka, nomba mumitima yesu tukopokelela ifiso fyabwangu akasuba nakasuba.

Galatiya 1:24

Elo balichinshikile Lesa pamulandu waku nebo.

Hebele 11:26

Alibwene ukuti ukuchula pamulandu waku Klistu kuliweme ukuchila ububoni ubwamu Ijipiti. Pakuti alikulindila ubupe ubwali nokwisa kuntanshi.

Yemusi 1:12

Alishuka umuntu uushipikisha panshita ulo eshekwa, pakuti ulo achimfya akupokelela ingala yabumi iyo Lesa alayile ukupela kuli bo abamutemwa.

Yemusi 5:11

Tubeta ati, “Abashuka,” pantu bashipikishe. Mwalyumfwa ukushipikisha kwakwa Yobe, nakambi mwalibona ifyo Bashikulu bamuchitile kumupwilo! Pakuti Bashikulu bachisa nenkumbu.

1 Petulo 2:12

Muchenjele nefyo mwikala nabantu abatachetekela, ichakuti nangu basose ati imilimo yenu mibi, kuntu babone ukuti iiweme. Elo bakuchinshika Lesa pakasuba ako akwishilamo.

1 Petulo 3:14

Nomba nangu mukoumfwa ukufinya pamulandu wakuchita ifiweme, mwakushukishiwa. Mwilokutinapo abantu nangu ukuchula mumutima.

1 Petulo 3:16

Ikaleni nomutima uwabula akantu ukwebati abo abakomusuula pamulandu wamibele yenu iiweme muli Klistu mubanshe nsoni.

1 Petulo 4:16

Nomba nga mukochula pakuti muli bena Klistu, mwiumfwapo nsoni, kuntu muchinshike Lesa pamulandu weshina lyenu.

2 Petulo 2:2

Abenji bakukonka ubumi bwabusali bwabo. Echo abantu abenji bakusula inshila yachine pamulandu wabo.