1 Petulo 4:13 - Chipangano Chabwangu

¹³ Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

1 Petulo 4:13 ပူးပေါင်းရင်းမြစ်များ

Mateyo 16:27

Pantu Umwana wa Muntu akwisa nabangelo bakwe mubuleme bwaku Wishi. Elo akwisa kupela umuntu umo-umo ukulingana nemilimo yakwe iyo achita.

Mateyo 25:21

Elo shikulu wakwe amwebele ati, ‘Wachita bwino wemupyungi uuweme nakambi uwachetekelwa. Pakuti waba wachine patunini, nomba nkokubika ukuba umukulu pafintu ifinji. Echo injila usekelele pamo nandibo ne shikulu obe.’

Mateyo 25:23

Elo shikulu wakwe amwebele ati, ‘Wachita bwino wemupyungi uuweme nakambi uwachetekelwa. Pakuti waba wachine patunini, nomba nkokubika ukuba umukulu pafintu ifinji. Echo injila usekelele pamo nandibo ne shikulu obe.’

Mateyo 25:31

“Ulo Umwana wa Muntu akwisa mubuleme bwakwe, pamo nabangelo bakwe bonse, akwikala pachipuna chakwe ichabufumu.

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Mateyo 5:12

Angeni nokusekelela pakuti ichilambu chenu kumulu chikulu. Pakuti mfi efyo bachushishe nabasoseshi abamutanjilile.

Maliko 8:38

Pakuti uyo onse uwakuba nensoni pamulandu waku nebo namashiwi anji, muli njino nkulo iibipile, Umwana wa Muntu naye akwisa kumukwatila insoni ulo akwisa mubuleme bwaku Bawishi pamo nabangelo bakwe ababuta.”

Luka 17:30

Efyo chakwisa kuba pakasuba ulo Umwana wa Muntu akwisa kuyifisululamo.

Imilimo ya batumwa 16:25

Elo pakati kabushiku, Paulo na Sailasi balikulomba nokwiimba inyimbo shaku Lesa, nabafungwa banabo balikumfwako.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Loma 5:3

Nakambi tulasansamuka mukuchula pakuti twalishiba ati nku kulete ukushipikisha.

Loma 8:17

Pakuti nomba tuli baku Lesa, twakupokelela ishuko, ina, ishuko ilifuma kuli Lesa. Kati tukochula pakuti tuli abena Klistu, twakupokelela umuchinshi pamo na Ye.

Loma 8:18

Ukuchula uko tukopitamo nkano kashita tekuti tukulinganyepo nobuleme ubo Lesa akutufisulwila.

2 Kolinto 1:5

Pakuti tulomfwa ukufinya ukwinekantu pamo na Klistu, munshila imo yenka, Klistu akutwafwilisha ukuchilapo.

2 Kolinto 1:7

Ukuchetekela kwesu pali mwe kukosele ndi. Tulishibile ukwebati nga mfilya mukochula pamo nafwe, mwenkamo mwakusanga ukwafwilishiwa mubwafwilisho ubo tupokelela.

2 Kolinto 4:10

Inshita shonse twenda nemfwa yaku Yesu mumibili yesu ukwebati ubumi bwakwe buboneke mumibili yesu.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Filipi 3:10

Icho nkofwaya chakuti njishibe Klistu nefiso ifyamubushishe kubafwa. Ng’umfwe amachushi akwe nokubati ni Ye mumfwa yakwe.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

2 Timoti 2:12

Nga twashipa, twakutungulula pamo nakwe. Nga fwebo twamukana, na Ye akutukana.

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

1 Petulo 2:21

Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.

Ukufisulula 1:7

Boneni akoyisa pamakumbi! Echo bonse bakumubona pamo nabo abamulashile. Imikowa yonse yamuno chalo yakulila pamulandu wakwe. Nachine nifyenka mfi. Ameni.

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.