1 Petulo 4:10 - Chipangano Chabwangu

¹⁰ Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.

1 Petulo 4:10 ပူးပေါင်းရင်းမြစ်များ

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Mateyo 24:14

Elo Ubutumi Bwawama ubwa Bufumu bwakubala bubilwe muchalo chonse pakuti abantu bamitundu yonse bakomfwe, epo nempelo yachalo yakwisa.

Mateyo 24:21

Pantu panshita njilya kwakuba amachushi aakulu ukwinekantu atabonekapo ukufuma apo Lesa atalile ichalo ukufika nanduno. Elo takwakabepo amachushi akuba nga aya.

Mateyo 24:45

“Nga ninani engaba umupyungi wachine, uwamano uwo Bashikulu bakwe bengasonta pabapyungi banakwe ukuti eye alokubapela ichakulya panshita iilingile?

Mateyo 25:17

Uwapelwe amakana abili naye alishifungashenye, kasangamo nashimbi amakana abili.

Mateyo 25:44

“Elo nabo bakwasuba ati, ‘Mwe Mfumu nilwisa twamubwene mwali nensala nangula nechilaka nangula abalwendo nangula mwali ubwamba nangula mwali abalwele nangula muchifungo, kuntu tatwamwafwilisheko?’

Maliko 10:45

Pakuti nangu Mwana wa Muntu umwine tayishilepo ukuti bakamupyungile iyowo, kuntu wena ayisa mukupyunga nokupela ubumi bwakwe ukuti abantu abenji bakalubulwe.”

Luka 12:42

Bashikulu balimwasukile ati, “Kanshi, ninani uwingaba uwakuchetekela nowamano? Ningulya uwo wishikulu akusonta ukuba umukulu pali bonse, mukuba uwakupela ifyakulya kubamilimo bonse panshita yalinga.

Luka 19:13

Ulo atalaya, ayitile abapyungi bakwe ikumi ukubapela umo-umo indalama yagolide nokubeba ati, ‘Fungashanyeni, tubone isho mwakusangamo ukufikila nkabwele.’

Luka 8:3

Yoana, umukashi wakwa Chusa kabilo wamfumu Helodi, Susana nabambi abenji abanakashi abalikupela ubupe ubwakwafwilisha Yesu nabakusambila bakwe.

Loma 15:25

Pali njino nshita, nkoya ku Yelusalemu mukwafwilisha abantu baku Lesa nkulya.

Loma 15:27

Batemenwe benka ukuchita mfi. Nomba wali umulimo wabo ukuchita mfi. Abayuda baakene amashuko ayabwina Klistu nabenafyalo. Echo nabo abenafyalo balinjile ukwafwilisha Abayuda kufyo babulisha.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

1 Kolinto 3:10

Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

1 Kolinto 4:7

Mba ninani uwakupele ubukulu pali bambi? Napo fyonse wakwata tafyafumapo bwaka kuli Lesa? Webo wapelwe bwaka, mba kuti wayitutumuna shani kubati tawapelwepo bwaka?

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

2 Kolinto 9:1

Tanshilingilepo nokumulembela pabwafwilisho tukopela abantu baku Lesa abaku Yudeya.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 4:11

Eye uwapele ifyabupe kubantu. Apele bambi ukuti babe abatumwa, bambi abasoseshi, bambi bakabilisha, bambi bachembela nabasambishi.

2 Timoti 1:18

Bashikulu bamusuminishe ukuti apokelele inkumbu kuli Lesa pabushiku bwabupingushi. Walishiba bwino ukuti alingafwilishe ukwinekantu ku Efeso.

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

1 Petulo 5:12

Nalemba kalata nji iipi mukwafwilishiwa na Siluvanasi, wesu uwachetekelwa. Nkofwaya ukumukoselesha nokupela bukamboni ukwebati mbu ebwanshi bwaku Lesa. Mwimakane ndi mubwanshi mbu.