1 Petulo 4:1 - Chipangano Chabwangu

¹ Kubati nimfilya Klistu achulile mumubili, namwebo muyikoseleshe namalangulushi enka ngalya. Pakuba uuchula mumubili wakwe ekwebati alekana namabifyo.

1 Petulo 4:1 ပူးပေါင်းရင်းမြစ်များ

Maliko 3:3

Epo asosele kumuntu uwali nechisansa ichauminina ati, “Ima, isa nkuno kuntanshi.”

Loma 6:11

Munshila imo yenka mulingile ukuyilangulukila mwenka ukuti mwalifwa kububi, kuntu muli ababumi kuli Lesa muli Bashikulu Yesu Klistu.

Loma 6:2

Nangu panini! Fwebo twalifwa kukubifya, mba nindo twingekalilila mukuchita ububi?

Loma 6:7

Pakuba umuntu nga afwa akakulwa kufiso fyakubifya.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Galatiya 5:24

Bonse ababa muli Klistu Yesu balisamika pamutashi imibele yabuntunse iibi pamo nolunkumbwa.

Efeso 6:13

Echo fwaleni ifyanso fyonse ifyaku Lesa. Ulo akasuba akabi kakwisa, mwakuchimfya, pakupelako mwakwimakana ndi.

Filipi 2:5

Echo bonse mube nomutima uwo Klistu Yesu akwete:

Hebele 12:3

Langulukeni uyo uwashipikishe nobuchushi ubukulu ubwakusulwa kubantu ababi! Mwinakapo nokuleka iyowo.

Hebele 4:10

Pakuti umuntu onse uwinjila mukutusha kwaku Lesa, atusha ukufuma kumilimo yakwe kubati nimfilya Lesa atushishe kumilimo yakwe.

1 Petulo 2:21

Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.