1 Petulo 3:22 - Chipangano Chabwangu

²² Yesu aliile mumulu. Ali kukuboko ukwamulyo ukwaku Lesa. Kwenka nkulya, abangelo, babuntungulushi nabafiso bakomunakila.

1 Petulo 3:22 ပူးပေါင်းရင်းမြစ်များ

Mateyo 22:44

‘Bashikulu Lesa basosele kuli Bashikulu banji ati, ikala kukuboko kwanji ukwamulyo, ukufikila mbike utupondo tobe, ukuti tube ichakunyantapo amakasa obe.’

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Maliko 12:36

Kambi umwine Davide ulo asanikilwe no Mupashi Wabuta alisosele mwibuku lya Malumbo ati, ‘Bashikulu baebele Bashikulu wanji ati, ikala kukuboko kwanji ukwamulyo, ukufikila mbike utupondo tobe ukuti tube ichakunyantapo amakasa obe.’

Maliko 16:19

Ulo Bashikulu Yesu bashilile ukusosa nabo, balipintilwe kumulu mukwikala kukuboko kwamulyo ukwaku Lesa.

Luka 20:42

Pantu Davide umwine alisosa mwibuku lya Amalumbo ati, ‘Bashikulu Lesa basosele kuli Bashikulu banji ati, Ikala kukuboko kwanji ukwamulyo

Yohane 13:32

Kati Lesa achinshikilwa mu Mwana, ekwebati Lesa naye achinshika Umwana wakwe. Elo akochita bwangu-bwangu.

Imilimo ya batumwa 1:11

Abalalume mba basosele ati, “Mwebo mwe bena Galili, Nindo mwimakanine mpano nokulolesha kumulu? Ngu Yesu uwapintwa kumulu ukufuma apo muli, akubwela nakambi kubati fintu mwamubona akoya kumulu.”

Imilimo ya batumwa 3:21

Yesu ngu akwikala mumulu ukufikila ulo Lesa akupanga ifintu fyonse ukuba ifyabwangu ukubati nimulya asosele kale ukupitila mubasoseshi bakwe ababuta.

Loma 8:34

Mba ninani wakubalengulula? Tefyopo Klistu uwafwile, ina, tusose ukuti uyo babushishe. Engulya umumi uli kukuboko ukwamulyo kwaku Lesa akotupapatilako.

Loma 8:38

Pakuba nalishininkisha ukwebati takupo nangu chimo ichakutulekanya kuchitemweko chaku Lesa. Nangu imfwa, nangu ubumi, nangu abangelo, nangu intungulushi, nangu ifintu ifiliko nangu ifyakwisa kuboneka, nangu ifyafiso ifili shani,

1 Kolinto 15:24

Elo umupwilo wachalo wakwisa. Klistu akushilisha ubufumu bonse, ubutungulushi bonse, elo nefiso fyonse. Akupela ubufumu mbulya kuli Lesa Bata.

Kolose 3:1

Kati mwebo mwalibushikwa kubafwa pamo na Klistu, kanshi bikeni imitima yenu pafintu ifyamumulu, umo Klistu ekala pamupando wabufumu kulubali lwakumulyo lwaku Lesa.

Hebele 1:13

Nakale konse Lesa tasoselepo kumungelo uuli onse ati, “Ikala kukuboko kwanji ukwamulyo, ukufikila nkalule ifipondo fyobe ukuti fibe apakunyantapo amakasa obe.”

Hebele 1:3

Muli Ye mukoboneka ukusanika kwamuchinshi waku Lesa, nakambi echipasho chaku Lesa. Euchingilila ifintu fyonse namashiwi akwe afiso. Ulo ashilile umulimo wakunakilila amabifyo abantu, ayile kumulu kwikala kukuboko ukwamulyo kwaku Lesa uwafiso fyonse.

Hebele 1:6

Nomba ulo atumine Umwana wakwe uwakwambilapo pano chalo, Lesa asosele ati, “Abangelo abaku Lesa bonse balingile ukumulomba.”

Hebele 10:12

Nomba Klistu alipele ichipupo chimo chenka ichafutile amabifyo onse. Ichipupo nchi chalikumanina inshita shonse. Panuma ayile kwikala kukuboko ukwamulyo kwaku Lesa.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Hebele 4:14

Nomba katwikatishe ichichetekelo icho twasumina. Pakuti tuli nakwe Chipupila Mukulu uwachilapo, Ye uwayinjile kumulu kwine kuli Lesa. Ngu ni Yesu Umwana waku Lesa.

Hebele 6:20

Yesu alitutangilile kale nokwinjilamo pamulandu wakufwebo. Ye ayilekuba Chipupila Mukulu uwanshiku shonse, uwamutundu wakwa Melikisedeki.

Hebele 8:1

Amashiwi ayanenene ayamfyo tukososapo yakuti tuli nakwe Chipupila Mukulu uwaba mfi, uwikala kukuboko kwamulyo kwamupando uwabufumu bwaku Lesa Uwamuchinshi mumulu.

Hebele 9:24

Pakuti Klistu tayinjilemo Muchifulo Ichabuta ichakulombelamo ichayimakwa nabantu ichikopashanya bwaka nechakumulu. Ye ayinjile kumulu ukwinenene ukuti nomba alokutusoselako kuli Lesa.